Day 2 - 是日非常好天! 吃過酒店的無料早餐, 即出發! 今日我地買左張大阪周遊咭 (1 天券)*, 要盡用張咭同埋參觀周遊咭包的免費觀光點. *請留意, 1 天券同2天券包括的地下鐵路線有所不同, 買前要睇下啱唔啱自己用呀~ 第一站: 梅田Sky Building (出示大阪周遊咭免費入場) 就到七夕節, 大樓下都掛滿彩燈及掛飾 空中庭園, 上去啦, go go go ! PS. 真係好曬 坐完電梯, 還有長長扶手電梯.. 到啦...有冷氣的空內觀光層, 仲有好特別的"天空椅"可以邊坐, 邊涼冷氣! P.S.: 唔知係咪七夕關係, 加設許願區 再上頂樓-室外參觀點擊圖片放大 +3 第二站 - 梅田 Sky Building 下的淹見小路 其實係一個充滿懷舊風情的食肆地方, 小小的居酒屋及具特式的展品, 而且處處掛滿 "梅田七夕"掛飾點擊圖片放大 +2 第三站 - 坐地鐵去天神橋筋六丁目駅 - 食Lunch 旅遊書介紹的春驅壽司, 同一條街有2間舖, 2 間都要排隊, 可見佢威力.... 等左大約15分鐘就可以入去啦~~ 好欣賞日本人對客人的態度, 佢唔會好似香港咁, 叫你地2個人迫落去1個人位, 唉....香港....只能講...都係土地問題啦... 好, 講返食物質素. 壽司飯, 硬度適中. 刺身厚厚的, 靚色澤, 好新鮮!!! 真係好好味! 值得推介! 第四站 - 大阪生活今昔館 (出示大阪周遊咭免費入場) 睇古代大阪住屋及見証時代變遷 如果想著和服的朋友, 可以俾錢租和服著下. 需自費. 第五站 - 天神橋筋商業街 你睇? 個鳥居飛起嫁, 仲唔只一個嫁. 呢條商業街有點似平民小區的shopping 街, 所以賣嘅野都平D, 就連藥房的化妝品/藥都比旺區平少少, 大家不妨留意下! 第六站 - 大阪梅田地下街 又係shopping 惡魔地, 短短行左半個鐘已買了杯, 手巾, 衫... 除了shopping, 這裡還有很多食店, 路過這間立食壽司的舖頭, 眼前一亮....他們有立食生蠔呀!!! 每隻200YEN, 都幾抵. 好鮮甜, 好Creamy, 好正!! 最後, 因為當晚要食燒肉放題...忍口..每人食左2隻! 我地就係俾呢個門面吸引左 第七站 - HEP FIVE摩天輪 (出示大阪周遊咭免費入場) 呢個摩天輪好特別, 附有喇叭, 大家可以駁自己部電話去播歌, 好好Enjoy 一下景色.點擊圖片放大 第八站 - 燒肉國際放題 每位32XX YEN, 有不同部位的國產牛食, 還有牛的其他部位, 黑豚, 雞, 菜, 湯...等等 食到滯滯地, 用菜去包住件肉, 係一個唔錯的食法. 特別一提, 佢地D 菜好好好好好新鮮, 就咁食菜葉都好好味! 絶對要試! 第九站 - 食飽飽再落返梅田地下街行下, 散散步. 大部份舖頭都9點收舖, 如要血拼, 要留意啦. 甜品時間! 600YEN 3 大球, 甜左少少, 食完真係堅飽. 帶住一嚿腹肌酒店訓覺! Day 2 行程, 完!
