開心裸辭後, 第一件事就是要展開風流快活之八天京阪奈自遊行的旅行. Day 1 - 晨早出發, 天未光就出門口, 06:55 就坐香港快運去大阪關西機場. 一到埗就要去兌換南海電鐵特快列車+大阪一日地鐵Pass 的車票, 幸好之前上網已訂票, 節省了時間. 之後, 即到JR ticket office 買之後到京都嵯峨野小火車的車票, 很長龍.....可能因為只有兩位櫃枱姐姐, 不過唔緊要, 黎玩就要迎合當地文化, 大阪的節奏比香港慢~~ 所有車票已ready, 就坐大約38分鐘的南海電鐵特快列車到難波! 落車之後實在太餓了, 即到連接車站的shopping mall 醫肚. 眼前就是旅行書介紹的古潭拉麵, 即入! 招牌拉麵: 真的好有水準. 湯底有很濃郁的豬骨味, 很好味喔!!!! 食飽飽就去酒店放低行李. 今次入住中津的東橫INN 梅田 II 號酒店. 出了地鐵站要行大約10分鐘才到, 還可接受吧! 休息一下之後, 再出發 > 天王寺~ 去到天王寺緊係要同地標同吉祥物影下相啦 行左陣, 就行左去阿倍野. 一座大阪新地標. Office, 酒店連shopping Mall. 好欣賞這個mall, 每層都有梳化讓客人休息, 仲要係designer chair / sofa, 好舒服呢~~ 下圖係阿倍野相連的shopping mall 夜景. 百貨公司9 點就關門, 眼見這些邪惡的甜品, 實在令人....好難忍口. 所以未食晚飯都買了兩種不同口味跟"旅伴"分享!! 真的真的真的很...好...食!!
