5 月尾, 跟友人一同去新加坡. 出發前, 香港落左成個星期雨, 幸好出發當天非常晴朗! 當朋友聽到我要去新加坡, 大家的反應都係 - 下? 咁悶, 一生人去一次都夠了.... 今次係我第二次去, 相隔6年, 我覺得新加坡多了很多新景點. 反觀香港.....玩黎玩去都係個幾樣, 難怪新加坡會爬左香港頭. 今次, 係小妹子第一次坐 Budget Airline - Jetstar, 其實幾鐘意呢間Airline, 可能因為公司logo 係我最愛的橙色. 機入面的坐位係黑色, 同其他公司唔同, 有點幾cool 的感覺. 員工笑容亦好親切友善, 坐完我都希望政府快D發牌俾佢地. 由於坐中午機, 去到已是夜晚....只是跟友人拉著行李到酒店 (Ibis Hotel Singapore Novena) check-in, 再去大排檔食個海南雞飯...第一天的新加坡就這樣的結束了!
