上星期三晚，食堂放工後係銅鑼灣搵好西，行過京都廣場被韓國餐廳既Seoulmate Café 賣相有趣既黑松露燴飯吸引，決定一試。 搭電梯上到去，裝修骨子，氣氛偏warm，座位亦唔算太逼，在座既有6，7個既朋友聚會，亦有不少情侶。 打開餐牌先發現雪山燴飯已經售馨，嗚呀～不過無阻我食好西既意欲。我地最後2個人點左3樣野食： 炸軟殼蟹芒果薄餅 芝士餅底以及炸軟殼蟹既配搭好有趣，餅底偏薄很脆，芝士分量亦很足，味道夠濃。因為軟殼蟹同餅底都係硬既，所以足夠既芝士係兩者之間提供左一個緩衝區，再加上芒果酸甜既味道調劑，很是不錯。 卡路里： 一片薄既中型芝士餅底約100kcal,連一小塊炸軟殼蟹既芒果配菜總共大約140kcal。同朋友share既話，每人食3塊，大概吸收420kcal～ 滷肉韓式拌飯 太陽蛋煎得恰到好處，食之前先充分敢用叉同筷子將蛋黃，配菜，滷肉，牛肉粒撈勻。然後勺一羹有曬每種配菜既拌飯入口，飯周圍既醬汁會先接觸你既味蕾，微辣既韓式風味。軟熟米飯入面包住既拌菜同牛肉粒跟住綻放出來～推薦！ 卡路里： 肉醬拌飯約320kcal一碗，拌菜約60kcal，太陽蛋90kcal，牛肉粒約160kcal，與朋友share每人吸收約320kcal。 泡菜薄餅 美中不足既就係呢個泡菜薄餅，其中一個原因係因為我地可能叫得太多，食唔曬呢個薄餅。另外一個原因就係呢個薄餅入面係各種既泡菜，但泡菜既味道係煎餅既過程中已經流失左大部分，所以食落去只係好似食緊一個普通煎餅既感覺。 卡路里： 一個素食煎餅大約560kcal，與朋友分享每人吸收280kcal。由於偏油既關係我地每人只食到兩小塊~~ 總結： 呢間餐廳既氣氛，服務都算不錯，野食方面識選既話都可以選到卡路里，脂肪不高，有營養既美食，例如係韓式飯卷，拌飯等～pizza既話就可以同朋友分享輕食為主，不要叫太多哦～ 點擊圖片放大
