星期六日最鐘意周圍瓹窿瓹罅搵野食搵野玩，今日就俾我搵到間飲Tap Coffee 嘅咖啡店。 店舗門面不大，飲品menu 睇落好似唔多，但經店員介紹之下，完全領略到一杯飲品原來係可以千變萬化，咩味都有，只要講得出想要咩味，佢都好似可以做到咁。 係店員介紹之下，點左杯青瓜咖啡！係，你冇睇錯，係青瓜加咖啡。依杯青瓜咖啡入面不含奶，齋啡加青瓜。聽落怪怪地，好似只得苦味加草青味咁。。。點知，估唔到冇奶嘅咖啡再配上青瓜汁係咁夾，睇落好似黑啤咁上面仲要有泡，飲落去感覺好清新，苦中帶甘。 店主份人好好傾，八卦下問左點解會諗到用青瓜去配咖啡，原來就係為左配合不同季節，夏天就係想令人有清新的感覺，那冬天去的時候唔知會唔會有令人被火熱溶化的感覺呢！ 天氣咁熱，如果想飲返杯甜嘅飲品，可以選杯梳打。 梳打有唔同顏色唔同口味，店員會先叫你選顏色，然後叫你估下究竟係咩味。不過同顏色都可能會唔同口味，例如荔枝味可以係藍色，但藍色又可以係波子汽水味。。。而我依杯黃色係咩味？唔話你知，你地自己去試下未知囉。 Smoko [[炮台山2-12號宏安道宏暉商場地下8號舖]]
