人地話食甜品永遠係用第二個胃，無論食到幾飽，都總會食得落甜品。 最近韓風大熱，食住個勢去左試下韓國甜品！依間開係尖沙咀的cafe 除左甜品外，亦都有不少韓式熱食，例如韓式炒年糕，餃子，部隊鍋， 芝士排骨等等……可惜今次我第一個胃已經滿咗，唯有先試左佢嘅甜品，熱食留待下次。 去到時已經十點，有成十多人係門口排隊等位中，不過好好彩，可能差不多閂門，等咗大約半個鐘就已經有位。一行入去，發現店內職員主要都是韓國人，仲有一個好似李光洙呀！ 今次嘅主角：蜜瓜牛奶雪花冰 半個蜜瓜載住一粒粒圓形嘅蜜瓜肉同冰花，砌成一個金字塔，中間再插左枝蜜瓜味雪條。雪花冰配上煉奶同朱古力醬，大家可以就個人喜好任加。雪花冰份量絕對唔細，五個人去食都係岩岩好勉強食得哂，食完感覺到透心涼呀！ 落單時見到每枱都必點飲品，我地都唔輸蝕叫左兩杯cocktail一路傾計一路飲。依杯「科羅娜麗塔」由青檸+檸檬配Corona啤酒配製成，Corona啤酒的味道較為重，入口後再感覺到一陣檸酸味。 另一杯「西柚麗塔」係西柚汁配上apple cider，味道有少少似食緊熊仔橡皮糖，甜甜地。 依度每一樣野嘅份量都好足好大，建議多啲人一齊去食，晚飯加甜品直落。 Norayo K Cafe [[地址: 尖沙咀加連威老道29號信基商業中心2樓]]
