台灣人氣名店 Dazzling cafe 雖然係香港開左超過一年時間，但都仲係高朋滿座。上年係台灣食過之後，一直好想搵機會再食，今日見放假就決定去排隊碰下運氣。 下午茶時間去到，門口已經見到一條長龍，不過都只係等左約45分鐘到。 喺門口有個告示牌講出由於想客人有身置於台灣的感覺，所以服務員都會以台灣腔的國語接待客人。 店內的裝潢令客人好似置身係Alice in the wonderland 嘅感覺，特別係佢張兔仔形嘅木製椅。 係門口等嘅時候，已經可以係等待櫃位枱上拎定張menu 睇下食咩。有位時，職員會附上一本香港限定的Menu以及點餐紙給客人點餐。 今次點左杯熱烤布蕾栗子拿鐵，味道不太甜，有點似棉花糖混合上咖啡味。旁邊配合了一塊朱古力餅乾，餅乾十分鬆化，不過朱古力略嫌不夠重。 除了甜點，另外點了個松露薯條。松露味好香，唔太咸而且份量都幾多。 黎到梗係要試下佢最出名嘅蜜糖吐司啦。今次試咗熔岩焦糖蜜糖吐司加脆底。味道本人覺得一般，同台灣分店的味道差些，台灣嘅料比較多少少，如果香港店的吐司配搭多點生果味道可能會更好味。 [[Dazzling Café 香港店]] [[地址：尖沙咀彌敦道100號The ONE 3F L322鋪位]]
