上年HK Express 一週年做咗個$1機票嘅promotion，二話不說，即刻師奶掃平貨咁搶咗兩張香港飛日本福岡嘅來回機票。等到頸都長，終於到我出發。今次7日6夜嘅行程，話長唔長，話短唔短，主力爭取時間Shopping 同食好嘢。 一到步，未等得切去酒店check in 就已經被博多車站突然傳黎嘅香味吸引住。加上太肚餓嘅關係，就一直沿途"尋味"，直到發現一間賣天然酵母嘅牛角酥店即停落黎。店員遞咗一款紅豆口味俾我試，紅豆牛角酥食落唔油不特止，仲好鬆軟，而紅豆重要係選用了北海道上料，不會太甜，又有起沙的口感。 點擊圖片放大 一共12隻口味, 當中有些係季節性限定。花多眼亂下，我買個左季節性限定嘅 “Apple アツブル"。蘋果牛角酥係呈長方形, 包中間放滿哂一粒粒嘅蘋果粒，完全通過商品條例，絕無欺騙消費者。由於係獨立包裝而且封哂口, 存放日期可以放到2-3日, 如果想第2日或者帶回香港先食, 可以室溫存放，食之前再放入焗爐/ 微波爐加熱先食，不過本人覺得凍食亦別有一番風味。 7日旅程終於試過晒所有口味，本人最後情定蘋果口味。但蘋果味係季節性同數量限定，有幾次行過都己經售罄，真係小啲運氣都未必食到！ 依7日行程，除左牛角酥係必吃早餐外，又點少得一杯日本Starbucks 限定咖啡，兩個加埋簡直係天衣無縫組合。本人覺得日本Starbucks絕對好味過香港好多，而且款式亦較多。若果大家去日本旅行時經過，值得去潮聖一下。 Starbucks – chocolate crunch frappuccino 三日月屋 website: http://www.mikadukiya.com [[地址: 福岡県福岡市博多区博多駅中央街1番1号]]
