去到日本，有咩理由唔食下刺身？！依晚係博多Shopping 完返到熊本市都已經成十點幾，搵咗好耐究竟夜媽媽仲有邊到有好味嘅さしみ（刺身）食。 行下搵下，終於搵到夜の魚屋さん，營業到晚上12點，夜咗都無有怕啦！夜の魚屋さん係一間居酒屋，位於屋台橫丁入面上層最入嘅一間店仔，唔好睇佢細細間咁，佢都可以容納到約20人。 叫得魚屋，就當然「魚」係主角，由於店主每日會買入新鮮嘅魚返黎，所以夜の魚屋さん嘅魚生都係時令，每日都可能唔同，無得揀要咩魚， 食到咩，全憑天時同人和呀（因為仲要睇師傅佢整咩俾你嘛！） 嚟到夜の魚屋さん，必定要叫佢最出名嘅刺盛（刺身拼盤），不過你唔好以為佢寫住1人前就打算1人叫1份，因為佢個1人前嘅份量絕對足夠2個人食嫁（自問食量都唔細）。 有圖有真相，上圖只係1人前嘅份量，冇誇大嫁。睇見一大盤，用料又不差，以為依碗野好貴呢？真係講都唔信，依個1人前刺身只不過係980yen 咋！ 店員十分體貼，送左兩碟魚鮟俾我地送酒，魚鮟食落唔會話好腥，送酒幾好味。而我地亦額外叫左個枝豆同店員推介嘅炸貝柱春卷伴柚子清酒。 炸貝柱春卷嘅外貌有些似平時食嘅炸蘿蔔絲呢？佢個皮好脆，有啲似越南春卷，而咬落去啖啖都係元貝配上沙律蛋黃醬，熱辣辣咁食，絕對無得彈。店員果然冇介紹錯呀！ 大家去熊本城時不妨走去試下，但要留意一下，由於夜の魚屋さん比較地道，應該未有太多遊客到訪，所以餐牌全部只得日文字，無中文/英文版本，亦無插圖。 夜の魚屋さん [[地址：熊本縣熊本市中央區南坪井町]] [[Tel: 096-354-8233 (+81-96-354-8233)]] [[Opening Hour: 12:00～14:30 (午餐時間不建議去, 因為有可能會冇開), 18:00～24:00]] [[星期一至日, 休息日子不定]]
