前排上網見到ig嘅news, 知道Kiehl’s喺銅鑼灣蘭芳道有個「城市自然研究室」，見到佢有得整幢蠟燭大樓，即刻心思思去左玩。 去到門口，已經見到好大個natural and the city 嘅燈箱，仲聞到一陣陣嘅花香味添。 喺門口旁邊，有個好細嘅賣涼茶位，有職員企喺度賣，不過我岩岩飲完咖啡，就唔飲涼茶喇。佢嘅金盞花涼茶係作慈善義賣，義賣所得嘅收益將全數撥捐綠色力量，我下次一定要留肚去飲下先。 入到去第一時間梗係去詢問點樣同幾時可以整屬於自己嘅蠟燭大樓啦，原來一入門口左手邊嘅櫃位就有職員俾張黃色嘅預約紙你先進行預約登記，之後喺你預約嘅時間準時返去整就得。 活動係一個鐘頭一節，每節有16個人一齊整。不過每個位上面都已經放好左唔同嘅模具，一共7款，因為冇得揀，所以想要整到自己喜歡個款，就要睇你好唔好彩喇。 坐定定之後，工作人員就開始教你點樣利用枱上面一早準備好嘅用具去整屬於你自己嘅building 。整淨色又得，七彩顏色又得，入面仲可以加入金盞花，令到燃燒時會有香味，加幾多就視乎個人喜好喇。 倒好哂之後，就要等15分鐘，之後就拎去工作人員一早準備好既桶到浸多20分鐘。之後就可以脫模，插蠟燭引，加埋枝旗仔同寫埋自己個大名咁就大功告成嫁喇。 之後你就可以拎住你嘅作品放係個模擬城市到。等到8月頭拎返屬於伙嘅大廈。 佢嘅費用不但係全免，而且你每整一個大廈，Kiehl’s就會捐出港幣$20元予綠色力量，真係好有義意。
