位於尖沙咀太子集團中心的樓上「爵樂印度餐廳Gaylord Indian Restaurant」係香港已經有50年歷史，今次幾個朋友聚下想揀異國菜，不如就食印度菜啦！餐廳環境都好靚好新淨，啲卡位仲要好打卡，仲要有大壁畫，環境方面一黎已經有個好印象。 🔸印度蟹肉夾餅Taco Time🔸牛油果芒果伴脆麵餅 Avocado Mango Dahi Poori 都比較少食印度菜，跟住店員既介紹之下叫左兩款小食，一款Taco有得揀芝士或者蟹肉，我地就要左蟹肉，勁足料，加上印度特色醬料，甜甜地好開胃。另一款係牛油果芒果伴脆麵餅，一個圓形兜兜咁放滿牛油果，仲有蕃石榴粒、芒果醬、乳酪醬等等，味道好豐富，好好食！點擊圖片放大 +2 🔸松露芝士烤餅 Cheese Truffle Naan🔸腰果奶油紅花忌廉雞 Murgh Zafrani Korma食印度菜一定要叫咖哩雞配Naan，佢既咖哩款式好多，除左肉類仲有素食，我地就要左腰果奶油紅花忌廉雞，食落唔辣，質地好creamy，配松露芝士烤餅好正，簡直想沾多啲汁食，塊Naan都好有咬口，真係唔錯。 🔸鑊仔洋蔥紅茄會鮮蝦 Kadai Jheenga🔸精選雜錦燒烤Tandoori Mixed Grill 肉類、海鮮都有叫，鑊仔洋蔥紅茄會鮮蝦蕃茄味好香濃，食落都唔會好重印度香料味，好岩香港人口味。雜錦燒烤係勁豐富，有羊肉卷、大蝦、魚、雞等等，份量都好大，一定要幾個share! 🔸Lassi、Fruit Punch叫左咁多款，真心樣樣都好食，食物咁高質，難怪平日晚都機乎坐爆，可以屹立不倒香港咁多年都一定有啲料到。📍#爵樂印度餐廳 #Gaylord Indian Restaurant (#尖沙咀美食)#尖沙咀 北京道12A號太子集團中心5樓
