再訪旺角T.O.P.的柞木炭家🖤主打韓式高級燒肉🥩最近睇到介紹，推出的石燒海鮮套餐十分吸引。就好似我之前喺韓國食過一餐石燒貝類🐚都好有風味😎 坐低先來高質前菜！有泡菜、海帶、芽菜、菠菜、蘿蔔乾、蜜糖薯仔🍯 一枱加$40可以無限refill 前菜都幾抵食😋 春之石海鮮盛饌除咗有海鮮、仲有牛、豬、主食，每樣都可以食吓。餐廳服務好好店員會幫忙燒，唔怕燒得唔熟或者燒燶晒。店員先放上石塊在網上燒熱，石塊會均勻受熱🪨然後放上海鮮。點擊圖片放大 扇貝加上蒜蓉牛油，味道更香濃，燒到牛油汁滾下滾下🧈仲有睇住啲沙白開口，好療癒。海鮮都好新鮮，最鍾意係食貴妃蚌，肉質爽口彈牙😍點擊圖片放大 +2 肉類方面必點柞木壽喜燒和牛🥩一大片油花分布平均的和牛，燒到大約七成熟，連同小飯團、生蛋和醬油，包住一齊食，絕對係幸福感滿滿🥰另外牛小排肉味香濃，五花肉肥瘦均勻，點下韓式大醬，或者係柚子辣醬都好好食😚 主食可以選嚴選赤身蝦肉石燒飯或者人蔘雞湯，我哋要咗石燒飯，店員幫手撈勻，有蛋碎、爽口的蝦粒，撈埋一齊好香口👍🏻 最後仲有甜品作結，焦糖布甸和焦糖燒香蕉🍌個人比較鍾意焦糖布甸🍮好滑好香！雖然呢個係二人餐，如果女仔嚟講三個人share都幾好㗎😍🔸春之石海鮮盛饌🥗海膽豆腐、黑松露、蘿蔔、明太子🥩柞木壽喜燒和牛、牛小排拼醬油五花腩🐚熱石海鮮拼盤 鮑魚、貴妃蚌、沙白、扇貝🦐嚴選赤身蝦肉石燒飯🍮甜品📍#柞木炭家 (#旺角美食)#旺角 T.O.P This is Our Place 5樓501號舖
