除咗可以坐吧枱食Omakase之外，仲有單點Menu，款式多，刺身壽司好新鮮，環境亦都舒服😌 🔸壽司拼盤叫咗招牌壽司拼盤🍣有大吞拿魚腩、油甘魚腩、吞拿魚、三文魚腩、醋鯖魚、池魚、左口魚、熟蝦、三文魚子、玉子、深海池魚、蔥吞拿魚腩、三文魚細卷，款式都好多樣化，兩個人share都得。最鍾意一定係大吞拿魚腩，真係入口即化🤤醋鯖魚都好正，配上少少薑蓉，肉質爽彈，味道有層次。點擊圖片放大 +4 🔸雞肉丸豚骨鍋🥰叫咗冬季限定Menu入面嘅鍋物，一共有三款，分別係泡菜豚肉鍋、雞肉丸豚骨鍋、我哋就揀咗個清清地嘅雞肉丸豚骨鍋。自家製雞肉丸，質感比較軟嫩，仲有幾件雞件，配上蔬菜、菇、大蔥，豚骨湯飲落清甜，天氣凍凍地暖下身都唔錯啊🥰點擊圖片放大 咁啱去到有優惠，follow餐廳social media即刻送一客甜品，係芒果千層蛋糕🍰😍 📍#鮨政 (#上環美食)上環蘇杭街105號地舖
