新鮮海鮮最好食法梗係蒸,保留返原汁原味♨️今次黎到銅鑼灣試下依間蒸海鮮。坐低都好闊落,就算要撘枱有竹簾隔開,社恐人士都啱😜一個人嚟食都唔會尷尬!最特別係竟然蒸海鮮都可以一人一爐,成班朋友黎都唔洗爭😙點擊圖片放大 +2 今次就嗌左「八府巡按」套餐,一次過食晒唔同既海鮮😉枱上邊有張紙清楚寫左每樣食材所需要蒸嘅時間,咁就唔驚過熟啦👍點擊圖片放大 🔸八府巡按前菜分別有沙律、芝麻雞翼,雞軟骨餃子,表現正正常常,當係開下胃🤫主角出場‼️海鮮方面分別白蜆、蝦🦐、大蜆、鮑魚、元貝、扁蟶子、鮮魚片🐟、龍蝦(半隻)🦞、聖子皇(1隻)。幾款貝類蒸完隻隻都漲卜卜,勁新鮮又完全無沙👍鮑魚食落好彈牙,勁爽甜😜大大隻龍蝦梗係留返最後先食,大隻到個蒸爐都差啲放唔晒😼食落啖啖肉,無得輸🤣放啲蒜蓉炸蒜落去一齊蒸,別有一番風味!點擊圖片放大 +4 除左蒸海鮮,仲有其他配菜,有安格斯牛肉、雞腿肉、三寶丸(牛骨濃汁牛丸、薑汁皮蛋貢丸、招牌墨魚丸)、時蔬拼盤。最有驚喜一定係薑汁皮蛋貢丸,一咬落去爆晒汁,仲要係濃濃既薑味😗食到飽飽地食返啲菜解下膩🥬點擊圖片放大 +2 蒸海鮮另一大重點一定係最後用精華煮成既蟹膏蟹肉粥🦀店員會幫我地將粥膽啲蟹膏蟹肉放入去煮,加埋頭先蒸海鮮既精華,啖啖都超級鮮甜,勁推介‼️‼️😝 📍#船渦 (#銅鑼灣美食)#銅鑼灣 謝斐道500號維安商業大廈3樓➡️𝗙𝗼𝗹𝗹𝗼𝘄左我未啊😚跟住我去飲飲食食😎吃是真愛❤️ @eatistruelove.hk 🌟