係銅鑼灣希慎廣場同中環擺花街有分店，今次就去左中環店，其實都好方便，係中環Donki行上多兩條街轉右就到。點擊圖片放大 +6 食左個Dinner Set，總共有5樣野，都幾抵食。是日餐湯係蕃茄濃湯，質感比較濃厚個種。之後仲可以揀side dish，唔洗加錢可以簡簡單單要薯條，係粗身既薯條！ Main要左煎三文魚扒配Gnocchi薯仔粉，三文魚煎得幾香，魚皮仲脆脆地，肉質幾嫩滑。醬汁有啲似卡邦尼，有啲磨菇、煙肉粒等等，口感豐富又好Creamy。 最後就係我最鐘意既窩夫，賣相都幾靚，佢嘅窩夫真係好好食，外層鬆脆，留意番唔係好軟身嗰種窩夫，充滿蛋香味，配埋雲尼拿雪糕食好正！飲品方面，特飲可以半價加配，款式都幾多。餐廳既早餐set同埋過濾咖啡仲可以無限添飲。Dinner Special Set (5 course) $248🔸是日餐湯🔸有皮薯條🔸香煎六安士三文魚扒配煙肉忌廉薯仔粉+$40🔸士多啤梨大黄醬窩夫配自選雪糕🔸飲品🔸烤卡津雞肉薯粒鑊仔(Baby)$94另外加多左個薯粒鑊仔，呢樣都係餐廳招牌，鑊仔熱辣辣，薯粒混合埋芝士，勁香，係充滿澱粉質既感覺，邪惡又好食！係餐廳第一次食滿$680就有得做申請做VIP，其後再幫襯就有9折同儲分換禮物，都幾抵食。中環店樓底好高，裝修到好似Cafe咁，都坐得好舒服。中環店星期五六仲要開到凌晨３點，夜晚過黎食個甜品都正！📍#GreenWaffleDiner (#中環美食) (#銅鑼灣美食)中環擺花街43號地舖銅鑼灣希慎廣場13樓1303號舖➡️𝗙𝗼𝗹𝗹𝗼𝘄左我未啊😚跟住我去飲飲食食😎吃是真愛❤️ @eatistruelove.hk 🌟
