𝗗𝗼𝗻𝗸𝗶壽司店「鮮選壽司」新店坐落銅鑼灣名珠城，大家行完街又多個地方食壽司喇😍 新分店有限定時令八貫或十貫魚鮮握壽司套餐及多款全新菜式🆕 今日11月11日正式開幕‼️即刻帶大家睇下銅鑼灣分店有咩特別😎 🔸 前菜拼盤🍶試左北海道鹽辛魷魚、數之子松前漬同鹽辛帆立貝共3款前菜！切絲魷魚同帆立貝都醃得入味，松前漬甜甜地，各有特色，送酒一流🤤🤤 🔸 刺身拼盤🍽️拼盤有大拖羅，中拖羅，三文魚，鯛魚同帶子共5種😍刺身好新鮮，唔講唔知原來帶子同鯛魚係冬天最肥美，唔怪得咁鮮甜！最開心係呢個拼盤可以食到吞拿魚兩個不同部位😋最鍾意大拖羅既油香🤤🤤 🔸 10貫壽司套餐🍣特登黎到緊係叫十件壽司套餐！順序有大拖羅、帆立貝、三文魚、池魚、八爪魚 、油甘魚、左口魚裙邊、赤貝 、赤蝦、三文魚籽。除左大拖羅同三文魚，最鍾意一定係左口魚裙邊，肥美又爽口🥰幾欣賞呢到既壽司飯口感同黏度都岩岩好，原來係用左北海道七星米🤩 🔸銀鱈魚西京燒🐟食咁多生冷野，叫返個熟食就啱喇😚呢個西京燒得意在用白味噌醃製，銀鱈魚煎得香脆之餘，又帶有點點既甜味，味道調校得好好，所以唔點豉油都好夠咸，令我忍唔住一啖接一啖秒清左😋好食👍🏻👍🏻 呢到連豉油都好講究，有兩種可以揀，一款味道較甜，一款味道較鮮，兩隻豉油無論配壽司定刺身都好好食😙 📍#鮮選壽司 (名珠城店) #銅鑼灣美食香港銅鑼灣百德新街 22-36號名珠城(DON DON DON DONKI 名珠城店店內)點擊圖片放大 +3 ➡️Follow左我未呀😚跟住我去飲飲食食😎吃是真愛❤️ @eatistruelove.hk 🌟
