相信好多人對石燒都唔會陌生,近年都頗受香港人歡迎,但主打石燒漢堡扒既真係唔多,而重係和牛既真係一隻手都數得晒😗 福岡漢堡扒最近係旺角開左新分店,地點方便而且坐得好舒服😌 仲有Sofa位👍🏼 佢signature係有個好似水龍頭樣既煙囪仔,裝左係個鐵板隔離,一邊燒佢就一邊幫你抽走啲煙,食完走個陣個身都無煙味😎 🔸 芝士蛋蒜和牛漢堡扒套餐 和牛漢堡扒有三款重量選擇😆細130g,中160g,大190g😌每個套餐都會包一碗飯🍚麵豉湯、沙律 熱石真係熱得誇張🔥放漢堡扒上去時即時有聲,聽見有小興奮。每次都切得舊漢堡扒薄薄地,咁就容易少少掌握個生熟程度,加上我鐘意食嫩牛,所以燒到表面脆脆地就食得😆雖然係漢堡扒,但用左100%澳洲和牛做真係特別好食肉質鮮嫩又Juicy,加上熱溶左既芝士蛋蒜一齊食, 芝士有拉絲😍味道好豐富,一啲都唔單調。 🔸 菠羅煙肉和牛漢堡扒套餐🍍塊和牛漢堡扒基本上無分別,分別係多左菠羅同煙肉,有另一番滋味😍店員好熱心🥹會主動教你點樣燒: ‘將吸氣和石頭的位置對準,自行切出適量的漢堡扒再放上熱石,要用少少力壓實同適時反轉’聽佢講一次就學得識。而且店員重會留意住你燒嘅情況,當見到舊熱石開始退熱嘅時候,會主動出手幫你換過另一舊熱石,值得一讚😆 🔸百香果特飲 及 西柚特飲🍹$39超大杯好抵飲,一杯已經係正常嘅二人份量💕食住燒和牛配上酸酸甜甜嘅炭酸特飲,夠晒爽啦😆 📍#福岡漢堡扒 (#旺角美食)旺角花園街3-5號鴻威大廈地下7號舖➡️𝗙𝗼𝗹𝗹𝗼𝘄左我Instagram未啊😚跟住我去飲飲食食😎吃是真愛❤️ @eatistruelove.hk 🌟