筆者由細到大都好鍾意肉桂同埋蘋果嘅配搭，但市面買到嘅蘋果批一般好少肉桂味，唔係太啱我口味：（而最清楚我口味嘅媽媽，炮製出黎嘅蘋果批永遠會加入大量肉桂，焗嘅時候已經聞到濃郁嘅肉桂蘋果香味，真係諗起都流曬口水啊！趁住母親節，就同媽媽偷下師，一齊整下哩款咁好味嘅蘋果批，順便懷緬一下細個係廚房搗亂嘅時光啦XD A）撻皮撻皮材料：中筋麵粉 200克 低筋麵粉 25克牛油 125克 砂糖 55克 雞蛋 1隻 雲呢拿香油 3滴6吋撻模撻皮做法：將牛油放係室溫軟化。用電動打蛋器打爛，分兩次加入砂糖用慢速打勻，直到變淺色。 分兩次加入蛋汁，慢速打勻。加入雲呢拿香油撈勻。分兩次篩入中筋麵粉和低筋麵粉，搓成麵團。 將麵團用棍壓平。將皮放係撻殼入面，用手指壓好撻皮備用。（壓撻皮嘅時候記得由撻底開始，一路壓，一路轉撻殼。）用叉係撻底吉窿仔，備用。B）肉桂蘋果餡肉桂蘋果餡材料：蘋果 3個 砂糖 60克 肉桂粉 2茶匙（增量版，可以根據自己口味再調整份量）水 適量肉桂蘋果餡做法：將2.5個蘋果切粒，加入砂糖、水，煮至軟霖。差唔多差唔多收乾水嘅時候，加入肉桂粉，撈勻。C）蘋果批做法將焗爐調較至200度，焗10分鐘，預熱。將煮好嘅肉桂蘋果餡倒落撻皮，鋪平。係蘋果餡上面擺上蘋果片作為裝飾。將蘋果批送入焗爐，用200度焗20-30分鐘。香噴噴嘅蘋果批就出爐啦，快啲趁假期同媽媽一齊試下哩個食譜啦：）想睇到更多食譜同埋餐廳食評，就記住Follow埋我IG ：eating_janice
