餐廳資料:📍德美壽司📍紅磡黃埔新村德民街31號地下1B號舖⌚️12:00-15:00 18:00-23:00🌟4/5人均消費:$200-400 今日黎到德美壽司食晚餐嗌左一份燒牛扒定食牛扒雖然係薄切 但完全唔會overcooked肉質軟淋 仲超多肉汁牛扒油脂豐富 配埋飯食可以中和油膩感 剛剛好 海鮮丼刺身份量非常多 而且味道仲好新鮮非常好味啊 然後我地仲嗌左一串燒牛舌同埋雞翼牛舌非常厚切 爽口之餘牛味仲好濃郁雞翼皮燒得香脆 入面非常嫩滑不過就嫌調味唔太夠 如果可以多番少少鹽就perfect~ 最後仲嗌左一份忌廉蟹肉薯餅薯餅上台熱辣辣 忌廉香滑濃郁 好味到喊出黎 絕對係必食推介