餐廳資料:📍雪舟鍋処📍銅鑼灣開平道1號Cubus 6樓⌚️12:00-15:00 18:00-23:00🌟5/5人均消費:$800up中秋節食左雪舟鐵板燒 覺得超級好味於是今日黎到上面一層 試埋居酒屋餐廳為我地安排係房間用餐 私隱度非常高侍應為我地推介左 瀬祭二割三分 清酒 酒精濃度唔高 只有16% 而且味道甘口順喉 非常適合女士小酌一番值得一讚嘅係 除左冰桶之外餐廳會為清酒準備帶有冰ge小茶壺有別一般陶瓷酒壺 可以維持清酒維持係冰凍嘅溫度非常貼心 食物方面 我地order左一人一份刺身精選刺身有海膽、鯛魚、油甘魚、拖蘿、牡丹蝦每一件都非常鮮甜 簡直好似去左日本魚市場入面我最鍾意海膽刺身 非常creamy 好好味 食完刺身就輪到燒物餐廳當日返左油甘魚鮫 我地都order左一份油甘魚鮫燒得剛剛好 上台時候仲係熱辣辣一咬就有油脂湧出黎 而且仲連住好多魚肉 唔會全部都係骨 食到好滿足 跟住有3款串燒 分別係牛舌、雞皮、雞軟骨肉餅3款味道都非常出色 其中我最鍾意牛舌串牛味香濃 油分豐富 好抵讚 主食部分有牛肉蕎麥麵蕎麥麵爽口彈牙 牛肉香軟滑溜湯底鮮甜 實在冇任何可以挑剔嘅地方 最後就梗係唔少得甜品時間今日甜品係南瓜、柚子雪糕柚子雪糕帶有微酸 味道清新南瓜雪糕味道濃郁 非常特別 我自己非常鍾意 鍾意食日本野嘅朋友記得唔好錯過啦