餐廳資料:📍Moo Moo‘s📍灣仔軒尼詩道239號18樓⌚️12:00-14:30 17:00-21:30🌟2.5/5人均消費:$300期望投資是一件有趣的東西 對事物投放越高期望 它所能帶給你的快樂 往往遠比想像中低 . 有時 不帶任何期望 反而會收穫意想不到的驚喜 早前睇左哩間餐廳嘅報導 知道有肉桂牛油麵包食 而且麵包嘅配方仲係用100萬買返黎 作為麵包同埋肉桂嘅小fan 梗係要dog rush去試一下😝 . 點知... 麵包毫無特別之處 只係一個鬆軟嘅甜餐包 而肉桂牛油嘅味道極淡 真係非常非常失望 食完都唔明點解個配方會值100萬 不過綽頭嘅嘢 我真係識條鐵咩😔 . 反而個沙律令我有啲驚喜 沙律菜非常新鮮 另外有啲煎香左嘅煙肉粒 令成個沙律更有香味 真係幾好食🙈 .點擊圖片放大 牛扒方面 因為本來睇相已經知道佢係薄牛扒 所以我冇抱太大期望 牛扒上檯 令我驚喜嘅係冇overcook 而且肉質都尚算嫩口 不過脂肪真係太多太多 而且都有唔少筋位 值唔值就真係見仁見智 . 講下餐廳嘅另一個綽頭任添薯條啦 薯條炸得非常硬 留意返 係硬 唔係脆 我要非常強調哩一點 咁大個女都未試過咁硬嘅薯條 而且毫無薯仔味 M記薯條都好食過佢... 不過要讚嘅係 佢嘅茄汁好夠酸 我為左茄汁食左好多薯條 不過冇refill過 因為真係好鬼硬😂 . 跟住我地嗌左2客甜品 New York Cheesecake $58 Hazelnut Cake $58 2款甜品都偏甜 冇咩特別 算係不過不失啦 餐廳只提供一款套餐 $298 套餐包含包 沙拉 牛扒 薯條 甜品就要另外再嗌 值唔值就見仁見智啦 不過想去食嘅話 我就奉勸唔好抱太大期望 冇咩期望先唔會失望hahaP.S.想緊貼最新食評嘅朋友歡迎follow我嘅Instagram: eating_janice順便比個Like比我啦:)