餐廳資料:📍女人街食飯公司📍旺角通菜街1A-1L威達商業大廈1樓B室⌚️11:30 - 15:00 18:00 - 22:30🌟4.5/5人均消費:~$150哩間餐廳名為 女人街食飯公司比佢搞笑嘅名吸引 就決定去試一試🙈餐廳嘅裝修非常特別既有古色古香嘅屏風亦有老香港霓紅燈仲有一個小小嘅魚缸 養住啲海鮮有時仲會見到師傅即場撈海鮮 證明真係即叫即製 夠曬新鮮 .點擊圖片放大 我地叫左6款嘢食 首先講左必食嘅蝦多士先$28一件(3件起)蝦多士一上檯就熱辣辣 我想拎起影相都比佢辣親🙈多士非常非常脆 配埋隔離嘅松露沙律醬一齊食 超好味啊😝不過啲蝦可能炸過龍 有少少overcook哩度扣左少少分 但整體係好味嘅 一定要試! . 另一樣必嗌嘅係麻香手撕雞沙律 $68分量非常多 師傅仲砌到靚靚囝囝咁先上檯味道方面呢 我會比100分充滿芝麻香同埋鹹香 非常好食連平時唔食蒜嘅我都食左好多🙈 . 大叔焗魚腸 $98今次係我第一次食焗魚腸 感覺好特別!好似係一個有脆面嘅蒸水蛋蛋好滑 魚腸冇腥味入面仲有少少陳皮提升香味 非常驚喜友人話唔係好多地方有魚腸食係新派大牌檔都食到 係幾驚喜🙈 . 鳳梨懷舊咕嚕肉 $108鍾意食酸嘢嘅我點會錯過咕嚕肉😝醬汁酸酸甜甜 非常好味 肉粒香脆 帶有肉汁而且炸粉唔厚 yumyum💕連隔離嘅椒同埋菠蘿都好好味 真係食到停唔到口💕 . 高湯粉絲雜菜煲 $98每味菜都咁濃味 叫返個清清地嘅菜中和下🙈雜菜煲味道唔算好特別 不過要讚嘅係真係好大煲而且係用砂煲上 見到嘅分量真係有少少嚇親🙈😂 . 蛋白杏仁茶 $28最後飽到嘔都好 都一定要嗌返碗蛋白杏仁茶杏仁味非常重 味道唔算好甜入面仲有超多蛋白 好足料㗎🙈 . 好耐未食過咁高質嘅大排檔環境企理 裝修有特色(可以打卡😂)而且地點仲好方便 真係想快啲再去試埋其他野🤤P.S.想緊貼最新食評嘅朋友歡迎follow我嘅Instagram: eating_janice順便比個Like比我啦:)