餐廳資料:📍Harbourside Grill📍尖沙咀廣東道3-27號海港城海運大廈4樓OTE 401號鋪⌚️星期一至日 12:00 - 22:30🌟4.5/5人均消費$400-800.廚神餐廳撤出香港舊址被新店佔據雖然餐廳還未奪下甚麼獎項但從服務 環境 與食物來看摘星之日 應該相距不遠 侍應超級熱心會主動埋黎介紹餐牌上嘅菜色仲會同你傾下計 開下玩笑 今晚叫左2個starters 1個main 1個grill 同埋一個2人份量嘅甜品Starter:Seared Scallop, Crispy Pork Belly $218帶子黎自日本 非常鮮甜彈牙 豬腩肉用嘅係五花腩 煎得非常香脆 油脂豐富 有入口即溶嘅效果配上旁邊的咖喱椰菜花蓉 同埋葡萄乾一齊食又係另一種滋味 侍應哥哥果然冇介紹錯😝 Starter:Steak Tartare $158哩間餐廳嘅steak tartare會有人即席係你面前調製食野之餘 仲有餘興節目 真係好開心keke手切澳洲牛帶有煙燻嘅味道 非常juicy配上酸種麵包一齊食 真係好正🤤 Main:Sea Bass $328海鱸魚配上薯蓉同埋法式龍蝦湯魚皮香脆 魚肉嫩滑 廚師嘅火候控制得好好👍龍蝦湯味道濃郁 每一啖都飲到龍蝦嘅鮮味不過我最鍾意嘅都係薯蓉!哩度嘅薯蓉裏面有一粒粒嘅薯仔食薯蓉之餘仲有野咬下 真係開心🤤而且薯仔帶有甜味 用料應該來頭唔簡單🙈 Grill:Sirloin 西冷扒 $488哩道菜有少少失望 雖然肉質同味道都好好但係牛扒好多筋 哩一點扣左好多分😢 Dessert:Apple Tarte Tatin (for 2) $158因為係為左哩個蘋果批而黎 所以哩個係全晚最期待嘅菜色最後果然冇令我失望😆反烤蘋果批嘅做法 係將煮好嘅蘋果同肉桂放係批底再鋪上餅皮 焗好後將佢成嘅反轉然後侍應會係你面前將批切開(又係一個餘興節目😂)蘋果批肉桂味濃郁 對於鍾意肉桂味嘅我黎講 簡直係只應天上有嘅滋味不過因為蘋果比較甜 所以建議配上酸奶油一齊食用酸味會中和甜度 令成個感覺冇咁甜膩🙈 非常出色嘅一間餐廳 大部份嘅位置都見到海景🙈如果牛扒上再花多少少功夫 我會比佢100分😝 相信假以時日 應該會係大型獎項名單入面見到佢嘅名😆.P.S.想緊貼最新食評嘅朋友歡迎follow我嘅Instagram: eating_janice順便比個Like比我啦:)