餐廳資料：📍Buenos Aires Polo Club📍中環蘭桂坊 LKF Tower 7樓⌚️星期一至三 12:00 - 14:30 17:00 - 22:30 星期四 12:00 - 14:30 17:00 - 23:30 星期五至六 12:00 - 14:30 17:00 - 00:00 星期日 11:00 - 15:00 17:00 - 22:30🌟4/5人均消費$400-800.一群人 追著球跑啊跑追到了 又一棍將它掃開有時候 人的行為真的令人費解點擊圖片放大 +2 今晚黎到一間以polo為主題嘅餐廳餐廳嘅裝修非常特別門口係一個大型陳列櫃入面放左好多polo裝備一入門口 係一個小酒吧酒吧非常有格調 台上仲有火水燈食飽左嘅朋友都可以上黎小酌一杯🙈酒吧對入係dining room裏面放滿同polo有關嘅油畫仲有啲紅酒樽同埋木箱入到黎可以幻想自己係英國舊時嘅上流貴族😂😂😂有興趣嘅朋友 仲可以借佢地嘅馬球裝備影張相留念🙈😂.點擊圖片放大 跟住講下食物 哩間餐廳最出名係阿根廷牛扒所以我地今晚嘅主菜就係哩塊Bone-in Ribeye阿根廷牛肉味濃郁 油脂比較少 肉質厚實得黎又非常juicy 加上佢地嘅烹調方法係將牛扒表面烤到微焦所以牛扒散發著濃郁嘅香味侍應係旁邊切緊嘅時候已經聞到🙈不過小提示 如果2個人食 而且會食埋前菜甜品嘅話12-14ounce已經非常夠食我地哩塊20ounce嘅牛扒食左70%已經飽到放棄左😟點擊圖片放大 食牛扒嘅時候有個一個小小surprise 就係餐廳會提供一盆嘅刀具你可以選擇自己喜歡嘅武器 同你塊牛扒搏鬥真係非常有趣嘅一個環節. 介紹完佢最出名嘅菜色 反返轉頭講下前菜前菜我地叫做一個cold cutcold cut總共有3款 配以微暖嘅法包同埋餐廳自己醃製嘅橄欖橄欖非常夠酸 同cold cut一齊食中和左佢嘅油膩感鍾意食酸嘢嘅我 覺得橄欖先係哩道菜嘅主角 另一道前菜係阿根廷肉腸肉腸外皮非常脆 香料味濃郁 帶有鹹香口味比較重 不過肉汁非常豐富我自己非常鍾意 最後到甜品啦餐廳最出名嘅甜品係哩個燒棉花糖但佢絕對唔係一粒普通嘅棉花糖棉花糖裏面包著咖啡朱古力雪糕炭上面放有橙皮大家可以自行將棉花糖燒到自己鍾意嘅焦度再慢慢品嚐棉花糖表層稍熱 配上裏面有少少融化嘅咖啡朱古力雪糕係冰與火嘅刺激 非常好味 推介！🥰 P.S.想緊貼最新食評嘅朋友歡迎follow我嘅Instagram: eating_janice順便比個Like比我啦：）
