為左一個順利嘅玻利維亞之旅, 事前準備功夫真係要做到足呢. 由於調更表實在係大挑戰, 所以我每次去南美國家旅行, 只會focus on一個國家, 計劃行程都方便好多, 而且不用每日洗衫乾衣係咁loop, 一個細喼+背囊就可以出發. 黃熱針 以特區護照前往玻利維亞辦落地簽證, 其中一個要求係要持有黃熱病注射證明書(黃熱針証明). 打左針10日後先會生效, 基本上出發前兩星期點都要打到li枝針. 現時香港只有政府衛生署轄下兩間旅遊健康中心提供黃熱病疫苗接種, 分別位於灣仔胡忠大廈和長沙灣政府合署. 早喺出發前一個月我嘗試打hotline, 原來唔會接得通的, 但有fax number (23174230) 可以聯絡, 我寫低左: 行程, 出發國家地區, 出發回程日期, 我地嘅名, 聯絡電話. 護士覆返電話時我先發現佢地嘅booking非常爆滿, 到出發前兩星期都無Quota! 護士有suggest可以去其他地區例如泰國, 可惜我短時間再調唔到多幾日假去做li件事...點知...過幾日嘅來電超感動, 有人取消booking俾到兩個位我地, 即刻叫老公滑小一日雪返黎打針^^ 泰國黃熱針 曼谷紅十字會有得打, 佢地email覆返我, 打黃熱針不用預約, 只需帶護照親身喺辦工時間前往就OK, 真心係萬一預約唔到喺香港接種嘅辦法. 唔早得唔遲得填好嘅網上表格 只需上玻利維亞嘅中國領事館網頁就可以輕鬆揾到條Link填表, 由於upload相片同文件嘅file有size上限, 淨係up張証件相都搞左好耐(無限手機cap圖再send email揀最細file size). 表格有效期為十五日, 唔使心急填, 填完份print out會註明填表日期. Print左成寸厚嘅落地簽所需嘅資料. 分別係: 1) 出發前十五日內喺官網填好嘅表格 2) 黃熱針證明影印本 3) 有超過六個月有效期嘅特區護照影印本 4) 証明到自己經濟能力嘅東西-我張StaffCard 5) 最近三個月銀行户口月結 6) 出入玻利維亞嘅來回機票 7) 詳細行程計劃加自己簽名 8) 當地住宿嘅confirmation.... 9)仲有好重要嘅係背面貼好雙面膠紙嘅白底証件相兩張. 我初初都誤以為落地簽收費係30蚊美金, 原來li個價錢只限於親身前往北京嘅中銀入數. 凡喺border「買」落地簽嘅收費大概USD110左右. 計埋transit, 用左27個鐘, 終於飛到海拔四千幾米嘅La Paz機場啦! 拖住又疲乏又臭嘅身軀, 拎好一大疊print好釘妥嘅文件去一號counter (六個counters只有一號for落地簽旅客), 俾officer睇過之後就direct我去最右邊一個小窗俾錢, 只收Blivianos接受信用卡, 碌左Bs687(statement出HKD807). 即時影相, 即時print visa貼喺護照, 仲靚靚地黏塊保護膠喺面添, 然後會用一個大folder入好我嘅文件+護照, 成疊拎返去一號counter, 咁就揼左個入境印完成唒整個入境手續了.