平時寫開Food Blog嘅我, 決定uBlog第一個post寫點有紀念價值的東西: 我的智慧齒removal@Bangkok 幾個月前原本plan好同老公去Bangkok玩4日, 訂好哂酒店點知出發當日突然牙勁痛個口仲腫了, 公司同事highly recommend佢去泰國順便剝左去. 誤打誤撞之下竟然到了一間牙科醫院, 先進嘅醫療設備, 非常乾淨嘅環境, 每間診症室都超大, 細心嘅護士, 專業+好手勢嘅牙醫, 未開口已經知老公隻智慧齒令佢好辛苦, 然後照X Ray麻醉, 貶下眼原來整顆智慧齒完整剝好, 當晚就食到野我就第二日去補牙, 補4隻大牙, 都係快靚正!!! 點解我特登飛黎Bangkok剝智慧齒? 老實說錢是一大因素, 其次係給上次完美嘅經驗impressed. 今次約好appointment, 落機後先大快朵頤知道剝牙後未必食到野. 準時到達Dental Hospital, 第一Part見牙醫consult, 上排嘅智慧齒對上一次才知道已蛀, 同時下排嘅不斷進迫令到原本幾年前箍好嘅牙歪歪斜斜. 了解好收費後, 顏值很高嘅牙醫先幫我打左麻醉藥, 然後照X Ray. 照完X Ray影像即刻出現喺佢枱頭個mon: 嘩! 咩事打橫得咁緊要呀？牙醫說要開刀處理, 將佢据成幾份才可以完全拔除. 好緊張, 佢講解話過程我絕對會知道聽到感覺到做緊咩, 但就不會痛, 如果有特別痛或者唔舒服舉手就OK. 好緊張>< 開始laaa播音樂呢. “your mouth is shaking!” 平時小小野都驚一餐嘅我真係鎮定唔到>.< 但只係頭一刻緊張, 牙醫自己都哼住歌勁relax, 不經不覺我都relax左, 成個過程牙醫keep update我做緊咩程序, keep住問我O唔OK, 原來真係好OK架!! 正式三兩下, 上面嘅智慧齒原粒拔好yeah! 然後就聽到好大聲電鋸喺耳邊開動, 明顯係將下顎隻牙拆件嘅聲音, 毫無感覺地, 牙醫說搞掂了而家聯針. I’m released!!!! 整個剝智慧齒過程只用了大概45分鐘, 而且喺好舒服嘅情況下完成. 聯針採用會溶喺線所以係不需要去拆線的. 靚仔牙醫俾返嗰隻爛牙我, 姑娘隨即遞上ice pad, 敷兩日凍就可敷暖(後來我將ice pad漏低左喺酒店雪櫃......), 講解個傷口大概兩個月才完全埋口, 要緊咬嗰舊紗布for 1hour (我保險咬足個半鐘之後我係無再流血的), 仲千叮萬囑萬一流血不正或有咩唔舒服就隨時返黎, 超貼心的^^ 實在太感謝靚仔牙醫同埋三位護士了! 因為麻醉藥過左有機會好痛, 我地返左酒店, 老公自己嘆佢個Mae Varee而我一覺訓天光了zzzzzz. 第二朝醒左都feel唔到啲咩了, 刷牙小小腥咁囉. 跟住用右邊牙正常食野, 左邊面腫左dd. 返到香港有好多同事, 朋友問我今次嘅剝智慧齒experience. 我就覺得如果好似我公司有得claim, 同埋有得出員工ticket的話, 真心Highly Recommend的. 後記: 前幾日同朋友lunch講開原來佢上個月喺香港剝左隻只係生歪左嘅智慧齒... 用左4千幾, 當時喺診所做左2個幾鐘, 拆線係成條拉返出黎... 嘩... 我實在太慶辛我飛左去Bangkok處理呢.
