肥Glor知道西營盤開左間正宗印尼菜餐廳 仲要係Jia Group旗下 當然要試試佢!相比起其他Jia Group旗下嘅餐廳 哩間就比較低調 裝修以木系熱帶風情為主 晚餐時段亦特意調暗燈光 好有情調 座位亦十分寬敞舒適👏🏻點擊圖片放大 +2 今次餐廳就冇提供口罩套 亦冇主動提供紙巾喇 同網上講嘅有少少出入🙌🏻值得一讚嘅係佢地上菜速度快 店員亦好細心咁問我地需唔需要推介菜式 而且份量都唔少👍🏻·𝘕𝘰𝘳𝘥𝘢𝘲 𝘚𝘵𝘪𝘭𝘭 $60 ($30 𝘱.𝘱.)餐廳員工會問你需要sparking定still water 我地今次揀左still 埋單時收費$30一位🙌🏻· 𝘎𝘰𝘩𝘶 𝘐𝘬𝘢𝘯 𝘛𝘶𝘯𝘢 $145内有椰菜、火箭菜、番茄仔、柚子肉、花生碎同一大塊炸蝦片等!配合主角吞拿魚粒一齊食 好有層次 味道酸甜滋味 醬汁再多啲的話就效果更佳啦! ·𝘚𝘢𝘵𝘦 𝘈𝘺𝘢𝘮 $125店員知道我地有人唔食辣 就算我地冇事前要求佢都有主動幫我地串燒 沙爹醬分開上👍🏻雞肉大大粒 一碟有五串 食落肉嫩多汁 加上佢個秘製沙嗲醬唔算好辣 仲混合左花生碎提升口感 真係令人回味無窮🙌🏻 ·𝘔𝘪𝘦 𝘎𝘰𝘳𝘦𝘯𝘨 𝘑𝘢𝘸𝘢 𝘗𝘳𝘢𝘸𝘯 $125哩個甜豉油+蝦炒麵份量好多 無論係麵同蝦嘅份量都極多 兩個人食真係會有少少濟🙌🏻大量蔬菜配合新鮮蝦炒出濃厚嘅鑊氣 麵條微甜 唔會過分油膩 我比8/10!減左兩分係我覺得佢有少少overprice🙌🏻 ·𝘋𝘢𝘥𝘢𝘳 𝘎𝘶𝘭𝘶𝘯𝘨 $125班蘭班戟皮香濃美味 裡面佈滿鮮甜嘅椰子絲 旁邊有一個勁濃雲呢拿味嘅雪糕 中和返個甜味!不過啲水果就好一般 偏酸 同埋成個甜品主要都係得兩件pancake 頗貴 唔建議叫🙌🏻 #𝙛𝙚𝙞𝙜𝙡𝙤𝙧_𝙚𝙖𝙩📍 Kaum @ Potato Head Hong Kong (西環)西環西營盤第三街100號地下Potato Head內@potatoheadhk