前牌去南豐紗廠影畢業相 影到我咁上下就去咗搵嘢食 見到呢間主打日式料理嘅餐廳好特別 半書店半餐廳咁 所以就排隊等試!不過當日人流太多座位安排有啲混亂 之後我哋三個人分開咗兩張枱坐 並唔係好似其他人咁隔一塊膠板 溝通時會有啲唔方便喇!不過職員都好好人 知道我地有好多袋嘢 都主動提出幫我地先放到佢地嘅休息室👍🏻店內座位雖然比較逼 枱與枱之間嘅距離比較少 但係裝修以無印木系簡約風為主題 環境就不過不失喇🙌🏻 *餐廳亦提供素食menu 素食者不妨試下喔👏🏻•𝘉𝘭𝘢𝘤𝘬 𝘴𝘶𝘨𝘢𝘳 𝘣𝘳𝘢𝘪𝘴𝘦𝘥 𝘱𝘰𝘳𝘬 𝘣𝘦𝘭𝘭𝘺 𝘴𝘦𝘵 $118看似平平無奇 原來內藏驚喜!麵豉湯偏淡但飲落好舒服 沙律面上有淮山同柚子條 配合沙律菜同車厘茄一齊進食 口感黏黏而且香甜爽脆👍🏻豚肉醃得非常入味 白蘿蔔好腍身 一舊完全唔夠喉 美中不足嘅係姜味比黑糖味濃同唔夠多汁比我撈飯🙌🏻!青瓜漬物酸酸甜甜十分開胃 值得推介!8/10👍🏻 •𝘝𝘦𝘨𝘨𝘪𝘦 𝘶𝘥𝘰𝘯 𝘸𝘪𝘵𝘩 𝘱𝘶𝘮𝘱𝘬𝘪𝘯 𝘮𝘢𝘴𝘩 𝘴𝘰𝘺𝘢 𝘴𝘰𝘶𝘱 $98朋友叫的 值得一讚嘅係呢一碗烏冬還原度極高超高 幾乎同menu張圖一樣 肥Glor都試左一啖 豆乳湯底散發出陣陣豆香 飲落微鹹 唔會好重味精味👍🏻烏冬非常煙韌 冇overcook!其他配料望落都非常鮮甜多汁 值得一試 非常適合素食者💚 •𝘍𝘳𝘪𝘦𝘥 𝘭𝘪𝘯𝘧𝘶𝘪𝘯𝘦 𝘸𝘪𝘵𝘩 𝘴𝘩𝘳𝘪𝘮𝘱 𝘪𝘯 𝘩𝘰𝘮𝘦𝘮𝘢𝘥𝘦 𝘱𝘦𝘴𝘵𝘰 𝘳𝘰𝘴𝘴𝘰 $118朋友叫的 可能因為油漬嘅關係所以成碟意粉只係有好濃烈但不討好嘅食用油味 食落非常油膩 而且似乎蓋過左蝦通番茄個鮮味 少失望! #𝙛𝙚𝙞𝙜𝙡𝙤𝙧_𝙚𝙖𝙩📍 Book B Kitchen Mealmeal (荃灣)荃灣白田壩街45號南豐紗廠六廠1樓111號舖@bookbkitchenmealmeal