屯門雅都 Gogo Mall 美食廣場一向都好多唔同嘅食店，唔同菜式都有。最近開左幾間新食店，一定要推介比為食一族去試下新野啦～第一間推介既就係 Habib’s (S58號舖) 屯門分店，佢主打土耳其同埋印度菜。首推 🌯烤雞肉卷，錫紙包住燒烤雞卷，預先切好一半，配埋菠蘿同生菜好Fresh啊～完全唔油膩。用烤軟餅底， 配上烤雞啖啖惹味🍗，加上特製沙律醬，直頭係prefect match😆‼️ Habib's有一個使命，就是要烹煮出世界上最好的咖哩、烤肉串和印度烤肉串。而他們的食材經過嚴格挑選，再由真正當地人廚師創作獨特的風味食譜，經過細心烹煮，就煮出咁好味嘅美食～睇住佢即叫即製，等緊已經有勁香咖哩味，好地道！咖哩汁勁濃郁！咖喱雞配印度米飯裏面雞肉仍保持嫩滑，雞肉醃得好入味。烤餅口感比較煙靭，小小脆得黎又有軟熟嘅感覺，配埋咖哩汁食口感好豐富！小編極力推介！而咖喱角就勁香脆，同港式咖喱角唔同，主要係咖喱味濃好多！ Kebab (烤卷)仲有唔同口味同埋肉類選擇，分別有烤牛肉、烤羊、仲有最推介嘅烤雞添啊～如果你係素食人士，就可以選擇素食烤卷～ Habib’s 網址：http://habibs.com.hk/另外一間新店重點推介嘅就係泰．雅 (S66號舖)😚 佢既泰式蒜香雞扒飯同埋炸蝦餅絕對係推介名單之內～雞扒鮮嫩香脆，加上秘方醬汁，一試難忘。炸蝦餅更加係必試之選，蝦肉鮮甜，香脆可口，啖啖滋味～ 泰．雅主打家庭式泰式料理，主廚後生嗰陣曾經喺泰國學過7年廚，煮得一手泰式菜。佢嘅招牌菜係泰式燒豬頸肉飯，將醃好嘅豬頸肉放上烤爐慢燒再切片，配上炸蒜同燒汁，送飯一流。而湯貴刁可以揀金邊粉或者泰式河粉，金邊粉比較幼身，而泰國河粉相比起廣東河粉，食落比較軟糯煙韌，配上炸蔥、九層塔、甲拋等配料，口感豐富有層次，仲可以轉揀冬陰功湯底MAMA麵添! 小編由細到大都好鍾意食冬陰功湯底MAMA麵，聽到都流口水🤤點擊圖片放大 +2 沙嗲串燒分別有豬、牛、雞揀，加埋個沙嗲醬，如果一個人食，半打啱啱好，兩個人食就叫夠一打啦～ 炸蝦餅啖啖蝦肉，酥脆彈牙，比出面嘅蝦餅厚身。香茜燒賣同街邊嘅魚肉燒賣口感唔同，炸完出嚟脹卜卜又飽滿，啱哂鍾意食芫茜嘅你。鍾意泰國口味，又鍾意食辣嘅朋友，可以試下青咖喱同紅咖喱，少少甜少少辣～另外，食泰國野又點少得椰汁特飲啊？！香濃椰汁，用黎配返幾款野食，真係好夾～泰．雅 Instagram 帳戶：https://www.instagram.com/thiya_ngacheuk/而壓軸新店推介就係 (S72號舖) 嘅 YuMo Cheese，為食小編先落左一個結論先：芝士甜品控必食之選！！YuMo Cheese 係專賣芝士蛋糕同甜品既專門店，一睇餐牌，真係好多選擇，對於有選擇困難症嘅朋友為食小編比個建議你，就係嚟多幾次😆。另外，店入面賣嘅所有蛋糕都係低甜配方！鍾意甜品，又想食得健康嘅人就啱哂喇！推介嘅原味蛋糕同生乳卷，兩款都好好味😋 芝士出色就一定架喇～話唒都係芝士專門店，但係蛋糕比坊間更鬆軟好味～一食落就知原材料同坊間一般芝士蛋糕點唔同，原來係高成本材料製作架！佢地用嘅材料都係六星級酒店選用嘅品質～點擊圖片放大 另外試左小小佢地嘅朱古力蛋糕，用callebaut品牌70%黑朱古力製作，朱古力味濃厚，略帶微苦。各款茶味所使用的純茶粉是從台灣及日本直接空運快遞到舖頭，簡直就係飲到咁「家鄉」味道啊～ 最後不得不提佢地嘅巴斯克燒芝士，坊間非常非常少見到有同款嘅甜品，焦燶嘅外表狂野不羈內裡濃郁軟滑，十款獨特嘅口味，所以點解會叫大家黎多幾次，因為真係要試唒唔同既口味啊！！！ 點擊圖片放大 +8 YuMo Cheese Instagram 帳戶：https://www.instagram.com/yumo_cheese/#屯門美食 #GoGoMall #屯門GoGoMall #屯門好去處 #烤卷 #印度菜 #泰國菜 #芝士蛋糕
