由於買左澳門套票, 所以趁元宵當日出走澳門一轉輕鬆下。我地搭10點半船過大海。今次主要係過去輕鬆下食下野，所以主要活動範圍都係酒店附近(氹仔)。我地一落船不是搭我們酒店的接駁車,而是去搭最近官也街的GALAXY車過去。去到官也街第一時間當然是醫一醫個肚。 我地今次選擇食水蟹粥。坐下即ORDER一鍋細的蟹粥同一份炒蜆。那鍋粥真的鮮甜, 而且加上甘香的蟹膏, 味道真的不得了。 炒蜆也很不錯。平時係出面食都係殼多肉少, 但這裡卻沒有, 而且肉厚鮮甜, 最重要係無沙。 食完正餐就來個甜品 - 葡撻。原來安德魯餅店在官也街開了分店，想食都不用專登去路環那邊食, 真的方便很多了。對於瑪嘉烈葡撻同安德魯葡撻, 本人較喜歡食安德魯的, 因為它沒有瑪嘉烈那麼甜。 出發前我地係網上見到波爾圖呢間葡國餐廳評價唔錯, 而且晚飯時段要等位, 它有官也街附近就有兩間店了。為免等位, 我地先去訂座再去附近其他地方行一行。 我地在地堡街的乘車處乘搭新濠影匯的酒店車去酒店CHECK IN。地堡街除左來往有新濠影匯的酒店車外, 仲有銀河的。我地的房是對住隔離巴黎人酒店的, 所以個VIEW 係很不錯的。 點擊圖片放大 +2 在房稍作休息。我地就去睇4D的BATMAN DARK FLIGHT。 雖然呢個SHOW時間唔長, 真的很短, 但都很精彩刺激。我睇完出來都有少少的頭暈 。 時間也差不多了。我地訂了7點食晚餐。我地再乘搭酒店車返回官也街食晚飯。我地點了乳豬飯、麵包焗葡國雞、馬介仔椰菜和半JAR 雜果酒。 點擊圖片放大 +2 食飽飽後, 我地又搭尾班酒店車返酒店。要注意呀~ 係地堡街開出的新濠影匯尾班車是9點呀, 所以最好係8:30左右就好排定隊, 遲左去排和超出左車載的人數就要自己行路(起碼要行半小時)或用其他方法返酒店啦~返到酒店落車處,我地隨即行去隔離巴黎人影下夜晚的巴黎鐵塔啦~ 夜晚的鐵塔也真的很迷人, 就算夜深了都仍然有好遊人係度影相同影相, 當然包括我地啦~ 第二日, 我地睡到10點幾先起身, 因為11點要CHECK OUT。CHECK OUT完, 我地又去左搭8字摩天輪。可能早上人流不算多, 所以一卡安排坐4個人, (一卡可坐8-10人)。每卡的地梭都有一個位置是透明玻璃的, 令你可以直望下去。其實都唔好話唔驚。雖然驚, 但我都要係玻璃上影下相。 玩摩天輪, 我地去左佢的天台小花園行左陣行下相就去左銀河(GALAXY)果邊行下。參觀完銀河, 我地就行返過去官也街食午餐同買手信。我地又去左譚家食魚翅撈飯和再食安德魯葡撻作午餐, 之後再食埋莫義記的榴槤雪糕, 最後買埋手信就返去乘搭酒店車去氹仔碼頭搭船返香港。 2日1 夜的慢遊澳門就咁完結了。第2日又要返工努力過。T_T
