一年前既暑假，診所回流了一位型英帥未來獸醫Irvin，佢仲係中學生既時候就黎到診所實習，而家係起英國讀緊獸醫既學生。原來他剛剛從南非回來，參加了一個叫 vets go wild 既program，係比獸醫學生實習既義工program。佢滿載而歸分享南非點滴，怎樣hands-on醫療上幫助野生動物，平衝野生動物population。令夫君同我都好有興趣參加呢一個好有意義一生難忘既experience。原來vets go wild 都歡迎現職獸醫參加，我們聯絡了當地機構靜靜等待了一年，下個月7月16日就正式出發了。 出發前要打預防針，Rabies (瘋狗症) 和 Tetanus (破傷風菌)。聯絡衛生署，唔知點解好爆，完全半年內都冇位，原來香港好多人都要打針 XD 。再打左比幾間衛生署提供既 Clinic List問都冇，我諗香港好多診所都冇KEEP呢類turn over 唔大既 vaccines，唔再嘥時間打衛生署提供既LIST，覺得私家醫院應該有，就即打去養和phamacy，終於搵到啦！ 補充：其實本人超驚打針超驚痛，我存有僥倖嘅心同夫君講，其實應該唔係好危險⋯⋯好明顯穩陣型夫君係不容許的。因為當地營地距離醫院1.5小時車程，所以我地都要穩陣D，而且萬一感染瘋狗症係會可以冇左條命仔。 嚇到口吃吃＊ 去養和打第一次針，登記，見醫生等，之後到護士分流站打針，搞左成1.5個鐘。等待係最痛苦的，我驚到眼淚也掉下。真係要打啦，左手一支Rabies，右手一支Tetanus，打既時候其實唔係咁痛，但我攬實夫君條腰，我將D痛傳左比佢（我諗佢痛過我 XD）。 ！！原來Rabies係要打三次，隔一個星期第二支，再隔兩個星期第三支。 用了一個月打哂所有針，原來破傷風針威力都幾大，痛了一個星期，辛苦的是我繼續教瑜伽，真係咬實牙根過這一星期。 另外就是購買旅遊保險都係一個既經驗。大會提供了Risk assessment 既doc比保險公司去評估。問了數間本港既保險公司都唔受保。最後搵到宏利，仲要搞左幾個星期先出到保單。 距離出發還有一個月，一位好朋友Gladys十分支持並提意我，將呢個難得既旅程用文字記錄下來，給將來既自己睇，亦可分享比 愛大自然、愛動物既朋友看。雖然生活忙得很，除左完成打針，其它一切還未有時間準備，但也要抽時間開BLOG，開始旅程的第一篇。 感恩。我地有呢一個機會
