[SPD4459 DingDingTasty] 番外篇之Kafulin Gallery 食完正餐冇耐,又想嘆個下午茶!黎Kafulin Gallery就最好不過!因為呢度又有甜品又有咖啡!坐喺入邊嘆下咖啡聽下音樂左就一個下晝la! 呢間甜品咖啡店嘅老闆本身都係甜品師,研究好多有關茶的甜品!所以呢間鋪頭主打都係茶嘅咖啡或者甜品!就連小儀嘅節目「咪芝蓮」都曾經訪問過呢間鋪頭嘅老闆,咁就知道佢唔係普通甜品店啦! 我就試咗個3.6牛奶雪糕!雪糕第一啖入口就已經係好好好濃嘅牛奶味,絕對唔同其他雪糕!味道都偏甜,食完杯雪糕好似飲咗幾杯牛奶咁!本來就想試下綠茶味,不過去到已經冇晒!唯有等下次啦! 之後我再叫左杯綠茶拿鐵!呢杯咖啡有嘅綠茶味唔係好濃果種,而係有一股淡淡的綠茶香!同埋都幾creamy! 地址: 灣仔巴路士街17-21號 Written by Kion Chan