「叮叮叮~」今站食乜好? 美食車長帶你來到位於西灣河的太安街, 一連幾日分享屬於呢區的味道！！ 車長我每次來到西灣河都一定要去太安樓掃街，太安樓係由多間小本經營的檔販拼合而成的商場。佢既主要特色「平民、地道、廉宜」，經常吸引不少附近的上班族﹑港島區學生哥來「幫襯」。呢度的美食無論係正餐、小食，或甜品，都一應俱全。 魚蛋佬 太安樓有幾間賣魚蛋的小食店，其中的「魚蛋佬」最受歡迎。最初由祖父阿伯擺檔，街坊稱為「阿伯魚蛋」，現已到第三代接手並改名。呢度的靈魂不在魚蛋，而在秘製咖喱醬汁，味道獨特微辣，十分惹味。除了魚蛋外，還有腸仔、魷魚、牛丸、牛柏葉等五款小食， 魚蛋每串$6 地址 : 西灣河箕灣道57-87號太安樓地下A28號B 太安樓牛雜 牛雜店是太安樓內的人氣食店之一，由車仔檔開始直到舊年終於開左新鋪。牛雜入味，離遠都聞到香味，價錢亦算實惠。重點推介炆柚皮，加入左柚皮之後剛好化解牛雜的肥膩，而柚皮與牛雜的醬汁亦好match到。 牛雜(細份)售價是30元 地址 : 西灣河箕灣道57-87號太安樓第二街地下A31B號舖 鴻記極品雞蛋仔 雞蛋仔就介紹過，今次試下格仔餅啦。鴻記的雞蛋仔／格仔餅的蛋漿、製作工具都經過老闆賴生特別改良，每底便要烘差三至四分鐘時間。格仔餅外脆內熱，厚身可另加花生粒增加口感。價錢雖比坊間貴一些，不過論色、香、味，和足料程度來比較，又的確有驚喜，值得一試。難怪連美國CNN都報導啦！ 原味格仔餅$23 地址 : 西灣河箕灣道57-87號太安樓第二街地下A34C號舖
