當初出發前冇咩點PLAN行程 但當我上網見到台北都睇到草泥馬我就鐵定左呢個景點 因為我未親眼見過草泥馬 加上我妹妹鍾意 呢次環島遊既第2日就去左三芝既伊亞咖啡藝術館OIA CAFE睇草泥馬!! 伊亞咖啡藝術館OIA CAFE點去? 係淡水再搭公車就去到啦 幾多號我已經唔記得左..淨係記得都有3,4架公車係去到既 餐廳入面有一隻白色既草泥馬周圍行黎行去 邊度有野食佢就去邊度 就連台上用過既紙巾佢都唔放過 真係要好好睇實佢唔係比佢食左D紙巾就唔好啦 好多小朋友都好大膽咁餵佢食紅羅白 餐廳有提供紅羅白 雖然我同朋友都有餵 但唔知點解見到有D驚 點擊圖片放大 而餐廳出面仲有5至6隻草泥馬可以餵 反而我覺得出面果幾隻仲得意D 有啡色, 上圖既米白色,仲有隻黑色架 不過我冇影-V- 呢間餐廳最低消費一杯野飲 我同朋友叫左花茶, 都唔錯架 不過價錢唔算平, 不過當入場費啦 見其他客人台上既炸野食同甜品好似都唔錯 可以試下架 不過我係呢個旅程頭5日都係喉嚨痛咁渡過,所以就冇食啦 HEA完一輪, 我地離開左餐廳, 去左餐廳後面既海邊 其實唔知呢度算唔算一個景點 但係我同朋友都覺得個海好靚, D石好特別 所以係度影左好多無聊相之後就去返淡水食野啦 自由行就有呢樣好 想去邊就去邊 去幾耐就幾耐
