今日一早起身，食完早餐就塔長途巴士北上Inari尋極光！沿途既風景真係好靚，好喜歡一片寧靜既感覺！ 出發前睇左好多bloggers都係去Ivalo睇極光，去Inari既都有不過唔多！理論上只要入左北極圈，天又夠清，少光害既地方就可以睇到極光！上網搜尋資料時得知Inari既光害較少又較北，應該會睇得好D。於是我家大少就決定去Inari尋極光！ Inari係芬蘭Lapland入面既一個小鎮，個度人好少，酒店附近既商店都唔多，其實都幾偏僻架，除左睇極光同玩極地活動外，真係冇乜野做架！所以呢，我就說服左大少揀左間有private sauna既酒店，日頭可以享受正中芬蘭sauna，夜晚就追極光！ 係訂酒店既時候我地都有考慮過著名既玻璃屋酒店，可以訓係張床到欣賞極光，真係好舒服。不過玻璃屋酒店價錢偏貴，要大約$5000一晚。仲有，最重要係「機率」，運氣和天氣佔左非常大既比例！天氣唔好，看唔到；雲層太厚，看唔到！其實真係好驚同擔心抱住咁大既期待，黎到咁寒冷的國家，如果睇唔到，應該會想喊吧？！(雖然我家大少話今次睇唔到下次都會同我再黎睇，但係都係會唔開心的吧！) 交通： 大家可以係"https://www.matkahuolto.fi/en/" search， 每日大約有4班車，兩間公司分別係 "Gold Line" 同"J M Eskelisen Lapin Linjat Oy"。你地可以行去總站，係city 行過去大約15分鐘。每個人大約 €60，價錢同內陸機差唔多，但巴士可以係我地酒店門口停站所以我地揀左巴士。中途會有兩個小站俾大家去廁所同買野食，記住唔好買到唔知時間架車開左都唔知! 我地呢兩晚入住既酒店！ 北極光，我們來了！我地塔左5小時長途巴士終於黎到Inari啦！ 不過我地訂既係新個棟building, 有私人sauna同湖泊景觀既房！ 嘩！！！間房好大好靚，開埋個窗簾，眼前係一個寬大湖！個湖鋪上左一層白雪真係好好好靚！ 我們的房間！ 窗外一遍白雪，真美！ 當我仲欣賞既窗外既景色，大少已經急不及待咁帶住相機同腳架係門外影相，希望可以影到極光。(個時只不過係6點幾7點)。一陣之後大少好興奮咁衝入房話佢唔肯定係咪影到極光，不過就好似有D咩野咁。我心諗上網睇人話極光起碼7、8點先開始出現喎。點知一睇，滿天既星空裡有淡淡的綠光，係極光！ 淡淡的極光！ 不過之後天空竟然有一大片的烏雲，我地成晚都睇唔到極光！>.< 雖然第一晚叫做都睇到少少極光，但係依然有D不憤，我地坐咁耐飛機唔係睇得咁少既極光嘛？！ 第二日一早，我地一邊食早餐，欣賞窗外既雪景，一邊check下今日既天氣同極光指數！點知，今日竟然全日落雪，但係極光指數係高！！！(天呀！點解要咁對我！！)同大少討論完後決定參加今晚既極光團！希望個團會帶我地去再北面，天比較清既地方睇極光啦！！ 夜晚8點出發，塔左45分鐘車，過左唔知幾多個小小鎮，終於搵到一個落雪落得較少既地方靜待極光既出現。我地等左一陣，tour guide突然話佢用肉眼已經睇到極光既出現，仲教我地相機要set做咩mode，向邊個方向影！我心諗：「唔係掛！係咪我視力太差，我乜都見唔到喎！！」我偷偷望下大少個相機睇下佢影唔影到先，嘩！真係有極光呀！！ 舞動中既極光！ 極光開始跳舞啦 tour guide話以今晚既極光指數，極光係可以去到紅色架！！不過因為今晚個天唔係好清，所以睇唔到，但佢話我地已經好好彩，雖然今晚雲層厚，但極光指數夠高，如果唔係係會咩都睇唔到架！ tour guide話原來極光係有一段美麗既傳說架！古時候既Lapland原住民相信極光係狐狸之火，長長的綠光劃過天空，就好似狐狸既尾巴一樣。曾經有人認為呢個係上天要警告人的一種徵兆，但更多人相信這是一個幸運的徵兆，看見極光就會得到幸福！ 信不信由你，反正我就係相信了！我相信我會幸福一輩子的！！ 極光之美真係令我無法忘懷！大自然既景色真係好好好美！！呢個極光奇景實在非言語可以表達與形容~實在太感動了！！只有親眼睇過極光既人才能體會呢份感動！
