我家小胖由我地相識時就話有生之年一定要去芬蘭睇極光，俾佢恨左7年，今年終於可以帶佢去啦！Plan 左半年既極光之旅終於出發啦! 我地揀左Finnair既零晨機(0045)，貪佢可以係機上訓，訓醒去到係朝早唔怕Jet Lag。經過大約十個鐘機程，終於係0525到達赫爾辛基。由於我地頭兩晚會係Rovaniemi過，所以我地要轉多程內陸機。有兩間航空公司可以選擇，分別係Finnair 同 Norwegin。Finnair既好處每日都有機，只要係香港check-in同佢講妳會轉機，佢會幫你將行李運上機，唔使將d行李搬黎搬去。而廉航既Norwegin唔係每日有機，就算有都要係機場等幾個鐘，揀邊間真係要傾過先，始終搭完十個鐘機個人都幾燥下(大家應該知我講咩^^")。 Rovaniemi機場其實好細，一條路直出大門。由Rovaniemi機場去City有兩個方法，第一個係搭8號巴士。不過係官網只得芬蘭文，之前睇唔明要自己google大約 €4，好彩酒店有英文版。 一片白朦朦 點擊圖片放大 另一架係黃色機場Van，佢停係機場門口，好處係會直接送你到酒店門口唔怕拖住行李係街到周圍搵，€7一個。我地揀左Van仔，因為我家大小姐唔想等>.<" 而家將keyboard交俾我家大小姐為大家分享一下。 酒店我地揀左City Hotel，之前我地係網上睇過其它人既評語好似幾好所以揀左佢。服務都唔錯，房既大細同靚既程度當然唔可以同香港既酒店比 >v<，不過都尚算可以既 (本家小姐都屬於有要求既)。係個廁所就細，同埋芬蘭既企缸係興用一個大D既去水位俾D水流落去就算，所以沖涼既時候好多時個廁所係會水浸架！(令我諗起AVAXX) book酒店個陣見到有隻公仔放係床邊，意為係影相先有，估唔到佢真係每間房放一隻點擊圖片放大 執好野就去醫下肚先，連lunch都未食，勁肚餓！其實Rovaniemi既物價都唔算貴，有靚靚cafe同普通pizza店你選擇。靚靚餐廳就大約€20-€30一個main course (e.g. pasta,扒)，同香港既餐廳差唔多，不過普通pizza店既pizza, kebab就抵過香港好多，€8-€9就有一個大pizza，我地兩個都食唔晒！次次經過cafe門口都好想入去買返杯咖啡！D咖啡味真係好香！！不過大少話我地冇咁多時間坐低享受，所以放棄，等去Helsinki先試啦！ 只係下畫3點幾條街已經無乜人行，呢道商店收五點，餐廳就收9至10點，好彩酒店隔離有間24小時超市 兩個Pizza盛為€14，勁多芝士好好味，不過太大件我地食剩差唔多一個 去埋超市買野飲同零食(=v=)就返酒店開餐，今晚早d訓聽朝一早向聖誔老人村出發。
