Day4 嚟到last day，決定去一d市區入面比較著名嘅地標，作為一個祟尚民主自由嘅香港人，對半個港產國父當然非常敬重(而且我家祖籍係南京)，所以最後一日第一個目的地就係國父紀念館！ 炯炯有神嘅國父銅像！ 參觀完仲係上晝，從國父紀念館站搭捷運去下一個目的地︰中正紀念堂！ 中正紀念堂可以話對中華民國嚟講極具象徵性，入面展出唔少同歷代元首有關嘅物品，包括蔣介石當年嘅座駕，而且我地仲見到堂內有軍人表演步操，都幾過癮架！ 由入口去紀念堂要沿經呢條充滿歐陸式的長廊！ 到啦！ 係入去之前嘅便利店買，呢隻味嘅爽健美茶係香港未見過，不過好好飲，而且係我最like嘅烏龍茶！ 去完只係中午時分，我地就轉戰另一個地標︰台北小巨蛋！ 由於今次去純粹係去影相同行下，而且我去果幾日都無咩show上演(早知遲少少去睇NBA表演賽啦...)，不過去到原來旁邊仲有幾個大型體育設施，對於我呢個超級體育迷嚟講，行下都覺得好正架啦，唔知未來香港個啟德會唔會仲靚呢XD 睇完地標，時間都去到下晝，我地都諗住番去西門町先至食嘢，但番去之前我地都專登去左一個地方買手信，就係維格餅家！我地去左佢地承德嘅旗艦店(係捷運民權西路站附近)，點解要買呢間，相信對去開台灣嘅香港人都會知，呢間d餅真係好好食，就連一向對鳳梨穌麻麻嘅我，都愛上左呢間嘅鳳梨穌！！ 買完之後，我地係隔離見到唔少賣荼嘅店舖，仲要見到我嘅至愛︰烏龍茶！於是決定入去一間叫莊子茶房嘅舖頭買兩盒茶葉返香港慢慢沖嚟飲，個店員又係超nice，教我點沖點保存，個女店主仲走嚟問我地有無興趣坐低一齊品茶！嘩，咁好客，我當堂幾乎唔識反應，不過因為未食飯兼想過西門町行多轉，所以諗諗下都係好唔好意思推左，估唔到買包茶都可以同佢地傾到咁耐，仲可以坐低品茶，so cool！真係要講句I love Taiwan哈哈！ 返到去西門町，又一次係果度深度遊蕩(話說已經係4日內第3次係果度遊)，但咁啱呢一日係週末，特別多人之餘仲見到台星(棒棒堂)做宣傳，仲有好多街頭表演(尤其係街舞)，真係一個好funny嘅下晝！之後係果度食埋個晚飯(搵左間有cocktail飲嘅cafe)，就返酒店執拾細軟搭巴士去機場，4日3夜嘅台北行亦到此結束，真係好唔捨得呢度嘅所有嘢，不過咁近，I will come back for sure!!!!! 有左今次嘅自由行經驗，我已經買左下一程嘅機票&酒店啦，今年4月上旬就會出發去日本8日7夜嘅賞櫻X睇波之旅@京阪神，有興趣未來去日本嘅朋友可以留意啦^^
