Day 3 是日7:45am在酒店食過早餐, 然後8am就有專車pick up我地到meet up point, 再轉乘商務小巴往Essaouira~ 途中看到山羊爬樹的奇景, 又去左一間賣當地特產argan oil的專門店, 看看生產過程和購物~ 近中午12點才抵達海邊城市Essaouira, 這裡是Game of Thrones EP3其中一個取景地方, 即劇中的Slaver Bay (Astapor)~ 我們先到漁港看看, 那裡泊滿了漁船, 也有賣海鮮的攤檔, 所以腥味濃烈, 還有大量海鷗在頭頂盤旋, 不時像轟炸機般掃射著, 極易中頭獎~ 在港口的壩上吹著海風看附近海景, 都幾寫意~ 之後就到舊城區(medina)找了間餐廳食lunch, 點了烤魚(MAD$60)和炸魷魚圈(MAD$60), 味道十分普通而且份量少~ 食完飯都是在舊城區逛逛, 走到海邊的古城牆, 看看人釣魚~ 另外又到了銀行兌換USD$100, 匯率都是9.51~ 舊城區外面有個很長的沙灘, 但水質好唔掂, 呈泥黃色的~ 風就幾大, 所以都見到遠處有人玩kiteboard~ 百無聊賴地hea到5pm就搭車返馬拉喀什~ 回到舊城區已經8pm了, 正好落車位就是間餐廳, 所以都費事再搵直接幫襯~ 點了chicken couscous(MAD$40), 為非洲小米飯, 口感好差, 好難食~ 另外點的燒牛肉(MAD$50)也非常韌~ 食完便回酒店休息了~ 點擊圖片放大 +2 Day 4 晨早7am就出發展開3D2N的desert tour~ 我們的團隊共17人, 有一半都是中國人, 其他團友就分別來自南韓、澳洲、意大利、捷克、法國和西班牙~ 全程都是乘坐Ford 17座商務小巴, 這款車的車身比其他團隊的Benz和Renault短, D位窄好多, 仲要坐滿人, 所以都坐得幾唔舒服~ 沿路看到的都是沙漠地形, 以及盤山道路~ 到了近12pm抵達第一個景點Aït Benhaddou - 一個泥黃色的古城砦~ 呢度唔單只係世界文化遺產, 仲係唔少電影嘅拍攝場景, 當中包括Lawrence of Arabia(1962)、盜墓迷城(1999)、帝國驕雄(2000)、波斯王子(2010), 以及近期我最鍾意的Game of Thrones~ 劇中的Yunkai就是這裡~ 一落車就有導遊帶領我們從外圍遠觀拍照, 然後就帶我們入城, 不時介紹一些電影場景~ 城裡仍有少數居民居住, 房屋都十分簡陋, 行到城的高處可遠眺附近景色~ 由於沙漠地區萬里無雲, 在戶外曬得讓人吃不消~ 參觀過後, 導遊就帶我們購買阿拉伯頭巾, 還說之後到Merzouga買就會貴很多, 而冇帽冇頭巾者翌日喺沙漠會好辛苦~ 其後發現沙漠的風沙和陽光沒有佢所講咁惡劣囉~ 購完物導遊就帶左我地去一間酒店食飯~ Lunch是自費的, 價錢略貴, 但附近冇其他選擇, 唯有硬食~ 另外, 導遊仲收左我地每人MAD$20導遊費囉, 報tour的時候都冇提過~ Lunch結果點了奄列和可樂(MAD$70), 跟餐都有麵包、飯和雜菜, 但求填飽肚就算~ 飯後驅車前往位於Ouarzazate的片場暨博物館稍作停留, 可自費參觀一陣, 之後就繼續車程往酒店進發~ 下午近6點抵達酒店Kasbah de la Vallee~ 酒店比想像中好, 房間有個露台, 坐下來清風送爽, 晚上還可觀星呢~ 晚餐於酒店內, 有Moroccan soup、麵包、chicken tajine和水果~ Chicken tajine的雞肉都是好o鞋, 反而配菜薯仔、蘿蔔和翠肉瓜就很清甜, 好食得多~ 最後奉上的哈蜜瓜同提子亦都好甜, 所以個人認為在摩洛哥寧願食齋都唔食肉~ 飯後就到天台觀星, 實在非常精彩, 漫天繁星盡入眼簾~ 尤其在酒店關燈後, 可清楚看到和拍到銀河, 妙絕~ 此地繼西澳的Monkey Mia和雲南雨崩後, 入選我見過最美麗的星空三甲之一~ 點擊圖片放大 Day 5 早上7時到酒店餐廳食早餐, 同樣是麵包、煎薄餅、橙汁和奶茶~ 8am就出車, 到Dades Valley看看當地Berber人的田野和村子, 又是有個tour guide走來帶隊(MAD$10)~ 之後到當地民居坐坐, 喝杯茶, 然後sell下我地買駱駝毛地氈~ 然後就到Todgha Gorge看看河谷, 景色沒什麼特別~ 午餐於路上一間餐廳, 又是硬食貴嘢~ 點了烤雞(MAD$60), 份量都有1/4隻, 肉同樣是o鞋的, 但總好過又食tajine~ 飯後向撒哈拉沙漠邊緣的Mergouza進發, 下午5點半左右到達, 隨即帶上行裝進入沙漠~ 原本全部人都是騎個半鐘駱駝到撒哈拉沙漠入面的營地, 但由於駱駝不足, 我有幸用另類方法前往 - 就是坐在四驅車車頂翻越沙丘, 過程就像玩過山車般, 非常過癮~ 由於近黃昏才出發, 撒哈拉沙漠並沒有想像中熱和曬, 更沒有預期中的風沙, 所以頭巾都沒什麼用途~ 沙丘在陽光映照下格外金黃~ 在一望無際的沙海裡, 除了感到自己的渺小外, 還像到了另一個星球~ 在營地裡沒事做, 就嘗試走上沙丘, 妄想看看沙漠特美的日落~ 可是要走上不足百米高的沙丘絕不是易事, 完全是舉步為艱~ 由於狀態不足, 走了一會便放棄了, 躺在幼滑的黃沙享受獨特的風光算了~ 友人就好犀利成功上頂, 但發現景觀有更高的沙丘擋住, 所以日落還是看不成~ 入黑後就到大帳幕食晚餐, 又係chicken tajine~ 帳幕為防風沙, 所以是密不透風, 同時吸晒日頭的熱氣, 散熱極慢, 所以算是邊焗桑拿邊食飯~ 食完飯又是看星拍星的時間, 沙漠完全冇雲又冇光害, 所以星空仍然精彩, 但還是前一晚的星空較美~ 不過當晚卻清楚看到兩三顆流星飛過, 應該是我第一次親眼看到流星, 感覺奇妙~ 是晚在沙漠瞓一晚, 每三至四人入住一個帳幕, 入面只有四張舖滿沙粒的床, 連燈都沒有, 所以有帶頭燈就方便好多~ 由於帳幕仍然好熱, 大部份人寧願食下風沙都選擇在戶外瞓, 不過再夜D氣溫驟降, 外面就變得有點凍, 要撤回帳幕~ 雖然有墊褥, 但在這樣的環境下都瞓得唔好, 整夜都難以入睡~ 點擊圖片放大 Day 6 早上5時就被人叫醒準備出發騎駱駝看日出~ 今次真係有得騎駱駝, D駱駝好乖, 懂得伏下讓人騎上去, 然後自己識起身, 同時亦沒有想像中臭~ 駝隊由領駝員徒步帶領, 一隻跟一隻慢慢前行~ 每當上落沙丘時都要緊握扶手, 否則很易墮下~ 由於全程都是在駱駝上, 所以影相都比較不便~ 一開始騎十數分鐘就幾過癮, 之後就笑唔出, 在顛簸的路上跌跌蕩蕩, 真係騎到大脾都痛, 男士們尤其辛苦, 最後有些團友更索性跳下來自己行~ 個半鐘的旅途都算看到日出, 但正正在身後, 所以看得不太清楚~ 回到Merzouga的旅館食早餐, 之後就到分道揚鑣的時間, 旅遊車會載部份團友回馬拉喀什~ 另外脫團往Fez的剛好有12人, 每6人包了架grand taxi七人車(每人MAD$200)往Fez, 車程約7小時~ 然後就是漫長的車程, 途中在一酒店食午餐, 點了Grilled Kefta(MAD$90), 即免治肉餅, 這道菜算是摩洛哥菜中較好食的一款~ 飯後架車行經有「小瑞士」之稱的Ifrane, 的確多了很多綠色植物和河道, 沿岸都見到唔少當地人在野餐~ 下午近6時抵達Fez的舊城區(medina), 前往入住的Riad Noujoum Medina~ 途中拿出手機看地圖, 不免被當地人問駛唔駛收錢帶路, 拒絕後竟遭惡言相向~ 另外又有小孩跟著我們走硬要帶路, 結果都由他帶路, 並給了MAD$2打發佢離開~ 而惡夢就在抵達酒店後發生, 明明在酒店網站預訂的是triple room, 寫明有一張雙人床+一張單人床, 但唔知點解max occupant係1個人~ 當時都不以為然照book, 但到達後酒店經理竟然話我地有兩個人, 要加收€15 extra bed, 實在取巧~ 明明間房都係咁多張床, 你話收早餐錢都叫合理D, 床都冇加竟然收extra bed~ 跟經理理論一輪不果, 打去酒店網站熱線也未能成功調解~ 擾攘左近一粒鐘, 結果酒店經理略為讓步, 叫我跟酒店網站要求免費cancel, 然後佢就唔駛俾佣酒店網站, 而我就俾返原價唔駛俾extra bed~ 雖然事件最終獲得解決, 但都感到很不爽, 浪費時間~ 晚上到附近市集搵食, 每經過一間餐廳都俾人遞餐牌騷擾, 不勝其煩~ 最後又找了間較多遊客幫襯的餐廳Laglali, 點了個set(MAD$50), 有麵包、沙律、kefta tajine和咖啡~ Kefta tajine是免治肉丸加煎蛋, 勝在有香濃茄汁, 唔會太乾~ 點擊圖片放大
