Day 5 早上又到小店食斯里蘭卡早餐, 吃的是咖喱撈米粉(string hoppers), 同埋炒即食麵, 幾有特色~ 九點幾就出車去中部的Kandy, 車程約4-5小時~ 途經一水庫Kantale Tank, 落車影下相, 估唔到水庫都有D浪~ 是日為蘇丹哥搵食日, 佢帶左我地到不同售賣斯國特產的地方~ 第一站去左spice garden, 在草藥園參觀各種植物和相對應的草本藥物, 價錢都幾貴, 還是留給強國人買吧~ 其間有朋友試用了脫毛膏, 10分鐘就見效, 認真神奇~ 午餐就在spice garden旁的餐廳食自助餐, 質素蠻好(LKR$1100/人)~ 餐廳隔離啱啱有新人結婚, 見識一下斯里蘭卡的婚禮, 新郎新娘都穿上傳統服飾, 氣氛歡愉~ 我們路過時不少賓客都有向我們打招呼, 十分熱情~ 之後就到達Kandy市內, 分別看看斯里蘭卡的手繪畫、木刻工藝以及寶石~ 看完就去兌多少少盧比, 匯率為1USD to 143LKR, 比Negombo差D~ 然後我地就去左Kandy Market Hall, 就像女人街的攤檔, 大部份都係賣下T恤、翻版碟、遊客紀念品和明信片等~ 另外又去左附近一街市, 買下生果、茶葉和香料~ 晚上就在Market Hall附近的街頭攤檔食kottu roti(LKR$500/二人份), 並試了Licensed to Grill的烤雞捲餅(LKR$200/件)~ 是晚租了一幢位於Kandy山區的三層別墅 - Lin-Dix Leisure(USD$130), 位置隔涉, 但物有所值~ 別墅一層是客廳, 一層是飯廳, 另有三間雙人房, 地方寬敞~ 頂層有個景觀開揚的靚景露台, 並有張桌球檯以供玩樂~ 至於管家Dean就比較健談, 跟我們搭訕講東講西, 還一起看印度笑片~ 點擊圖片放大 Day 6 早上八時半Dean就為我們準備好早餐~ 食飽就到山下的佛牙寺(Sri Dalada Maligawa)參觀~ 這裡比較嚴格, 男女都要穿長褲或圍巾才可以進場, 入佛牙寺前同樣要除鞋俾"shoe care"保管, 門票為LKR$1000~ 佛牙寺地方敞大, 由於曾受內戰毀壞, 所以部份地方都是重建的, 壁畫看起來也比較新~ 供奉佛牙的主殿人頭湧湧, 大多數都是捧著蓮花來參拜的虔誠信徒, 但信徒和遊客都看不到供奉在佛塔內的佛牙~ 十一時左右就離開Kandy, 到附近一個建於1867年的火車站 - Peradeniya Junction, 準備乘搭中午十二點的火車到Nanu Oya (LKR$150/人), 車程約3-4小時, 所以一早準備了乾糧~ 這段行程是斯里蘭卡其中一段風景最靚嘅火車路線, 途中經過山區和茶園, 可望到不少河溪和瀑布~ 茶園一片綠油油, 層層遞進, 景色絕佳~ 搭舊式火車的好處除了可以感受轟隆隆的聲響, 最正當然係一試印度懸掛式搭火車嘅體驗~ 行車途中可以隨時打開火車門, 緊握扶手就成個上半身伸出車廂, 邊看靚景 邊吹風, 有點危險, 但非常過癮~ 抵達Nanu Oya後跟蘇丹哥匯合, 再乘車到目的地Nuwara Eliya, 這裡是著名的茶園區兼避暑勝地, 山區的氣溫只有15-20度, 十分清涼~ 到達後先在De Silva Food Centre來個late lunch, 然後就到具有歐洲小屋風格的郵局寄明信片, 再到湖邊小山上的Villa Acacia~ 同樣都是多層別墅, 但呢度就唔係成幢包晒, 雙人房每晚USD$70~ 別墅有落地玻璃面對靚靚湖景, 都唔錯~ 晚上就到Milano Restaurant食, 點了Mixed Grill、甜酸雞、炒麵以及叫kankun的炒通菜, 人均消費為LKR$600, 比其他城市平~ 點擊圖片放大 Day 7 最後一天行程竟然要清晨五點出車, 得以趕及於最佳時候看世界盡頭(World's End), 免被雲霧遮蓋~ 世界盡頭其實是位於Horton Plains National Park內的懸崖絕壁, 不時被雲霧環繞, 就像到了世界盡頭~ 帶上酒店為我們準備的三文治就起行, 一小時後抵達Horton Plains National Park的入口, 途中看到不少水鹿在草地食草~ 買飛後(LKR$2650/人)就進入景區開始健行, 從Mini World's End > World's End > Baker's Falls走一個環迴全程約9.5公里, 需要3-4小時, 以平路為主, 不算辛苦; 而且路上綠草如茵, 行起來十分舒服~ Mini World's End 跟World's End的景色差不多, 都可以從懸崖邊眺望遠景, 廣闊開揚~ 至於Baker's Falls瀑布都幾大水, 算是有點氣勢~ 行完山已經十點半左右, 之後分別去兩個茶園Mackwoods和Bluefield, 了解一下茶廠產茶的過程, 還試下茶、買下茶葉和茶包~ Bluefield的價錢較合理, 而且款式比較多, 回港後品嚐過都覺得幾好飲, 值得一買~ 午餐亦在Bluefield茶園餐廳食自助餐(LKR$1200/人)~ 之後就是漫長的回程路, 從Nuwara Eliya到機場需要四個多小時, 其間蘇丹哥再度被抄牌, 臨近Negombo時亦開始塞車, 幸好我們時間充裕~ 我們於晚上八時左右抵達機場, 跟蘇丹哥道別後就入機場~ 晚餐於機場禁區內唯一的Burger King, 誰不知中伏了, 一個餐要USD$13-16, 超掠水, 可惜冇其他選擇~ 我們乘坐凌晨00:25的馬印航班到吉隆坡, 再等三個多小時轉機回港~ 回到香港已經是翌日下午兩點幾了~ 總括而言, 斯里蘭卡比想像中好玩和抵玩, 上山下海爬艇踩車乜都玩齊, 消費又平~ 蚊亦沒有想像中多, 惟天氣熱左少少~ 今次旅程較以往離地少少, 食住比較好, 接觸當地人嘅機會不多, 但仍感受到斯里蘭卡人普遍都幾nice, 未去過都值得一去~ 點擊圖片放大