Day 12 是日離開Yazd, 並前往有”half of the world”美譽的Isfahan(伊斯法罕), 車程約5小時~ 途中在小城Na’in停留食午餐~ 伊斯法罕有條Zayandeh River貫穿市內, 河上建了不少古橋, 但因更改河道的關係, 伊斯法罕那段Zayandeh River已有一段時間冇水到~ 我地去到當日剛巧開始放水, 認真幸運~ 連當地人都相當興奮, 紛紛到河邊看水, 又唱歌又放小型煙花, 非常熱鬧~ 我地去左Siose Bridge(三十三孔橋)一看,又再次俾人圍和要求合照~ 當中更被一班疑似基佬搭訕, 口講唔知乜野gay之外, 又作出奇怪手勢, 更出手捉手仔 (不是正常握手啊 =.=) 發哥都有幫我地解圍, 之後繼續沿河向東走, 睇埋Joui Bridge先食晚飯~ 晚飯去左間傳統餐廳Restaurant Shahrzad食, 環境都幾grand, 那個烤羊架(Shishlik)好好食, 嫩口又有羊味, 其他食物如羊腿(lamb shank)都唔錯, 值得一試~ 人均消費為300,000 Rials~ Day 13 早上去左漂亮的Imam Square~ 廣場敞大, 中央係個噴泉, 東面是Sheikh Loffollah Mosque, 南面為Imam Mosque, 西面是Ali Qapu Palace, 北面接大市集Bazaar-e Bozorg~ 兩個清真寺的幾何花紋都非常精緻, 係成個旅程中最靚的清真寺~ 點擊圖片放大 中午飯後去左睇地氈, 又去左Bazaar-e Honar同附近公園hea~ 黃昏時份去左另一條古橋Khaju Bridge看日落, 睇景之餘, 都係同當地人傾下計~ 夕陽西下, 在古橋上跟波斯女孩邂逅, 編織一段浪漫小插曲~ 晚上發哥帶左我地去食Abbasi Hotel的自助晚餐, 每人要360,000 Rials~ 酒店個花園真係好靚; 食物方面都有十幾款熱盤, 不過D食物唔係咁啱胃口囉, 到頭來都係揀D平時食開嘅烤肉同肉丸, 但就要俾咁貴價錢, 好唔抵食~ 點擊圖片放大 Day 14 繼續在伊斯法罕市內遊, 先去Jameh Mosque這間古老清真寺, 有近千年歷史, 為伊朗其中一間歷史最悠久的清真寺之一, 比Imam Square那兩所清真寺樸實多了~ 之後去左阿美尼亞人聚居的Jolfa區, 參觀天主教教堂Vank Cathedral (150,000 Rials)~ 伊朗並不只有清真寺啊~ 壁畫色彩鮮艷, 全都是講述聖經裡的故事, 來這裡可以中和一下連日來參觀清真寺的審美疲勞~ 同時也可以一看阿美尼亞博物館, 介紹阿美尼亞文化和被種族屠殺的歷史~ 下午又回到Imam Square買下手信, 如地氈、波斯細密畫(Persian miniatures)和其他手工藝品~ 想不到那些繪有波斯花紋圖案的碟仔和眼線樽全都是由人手畫上去的, 真係要好有心機先畫到~ 在廣場附近的草地, 遇上十一歲小女孩Fatima一家, 小女孩笑得非常燦爛, 又好有禮貌, 很討人喜愛~ 佢仲擇花送俾我地, 夠晒窩心~ Fatima爸爸跟我地大談他們在伊朗的生活, 分享他對現政府和伊斯蘭教的看法~ 晚上再到Imam Square影夜景~
