Day 9 離開Shiraz前先到Nasir al-Mulk Mosque參觀, 剛巧有陽光打在彩色玻璃上, 令寺內一片彩色, 好靚~ 之後驅車前往Yazd(亞茲德), 出城前途經Shiraz的地標Qur'an Gate~ 由Shiraz往Yazd需6小時, 途中落起大雨, 想不到沙漠地區都下那麼大的雨~ 到達Yazd前在一個古代冰窖(Yakhchal)和4000年古柏樹短暫停留影相~ 點擊圖片放大 Yazd是一個古城, 3000年前已有人再那裡聚居, 也是承傳著拜火教文化的重要城市~ 到下榻的Orient Hotel安頓後, 就去左旅館隔離的Jameh Mosque看夜景, 開左燈之後那些幾何花紋更為奪目~ 旅館餐廳的晚餐都ok, 有幾味餸任食, 包括咖喱同煎蛋餅, 每人只是150,000 Rials, 總好過又食kebab~ Day 10 早上去左距離Yazd一小時車程的 Zeinoddin Caravanserai, 那是古時一所沙漠商旅驛站, 現已改裝成旅館~ 旅館的格局特別, 裝修別緻, 房間都只有布簾和地氈, 不過好似無乜人住~ 返回Yazd, 去左拜火教的天葬台Tower of Silence, 拜火教徒而家都唔會進行天葬架喇~ 塔上面得個窿, 冇乜野好睇~ 午餐去左間四星酒店Hotel Moshir Garden, 有當地特色羊肉丸食, 人均消費為200,000Rials~ 酒店有位侏儒先生, 乃酒店的招牌人物~ 點擊圖片放大 下晝返左旅館小休, 然後去左Amir Chakhmagh Complex影張相~ 本來話可以走上去睇下Yazd的全景, 但最後不知道甚麼原因冇得上~ 之後去左睇波斯傳統健身室 Zurkhaneh, 黃昏時份D人收左工先會黎操練~ 健身操一節約45分鐘, 係幾有特色, 不過睇一陣就好, 睇足45分鐘就悶死~ 晚上揀左Lonely Planet介紹的Pizza Gole Sorkh, 介紹話餐廳老闆去過澳洲學師回來的, 但那裡的pizza其實很普通, 不用專程過去食~ 價錢唔貴, 每人消費約100,000 Rials~ Day 11 是日落雨落足成日, 原來伊朗人落雨唔擔遮嘅~ 發哥話伊朗人喜歡落雨, 都明白嘅, 始終都算是沙漠地區, 雨水難求~ Zoroastrian fire temple – 呢間拜火教廟比想像中新, 屬較近代的建築, 內裡供奉著超過1500年不滅的聖火~ 拜火教主張教徒需要善思、善言、善行 (to think good, to speak good, to act good), 簡單得黎日常都可以實踐到~ Yazd Water Museum – 了解一下波斯人引以為傲的水利工程, 可以令沙漠地區都有充足水源供應, 認真唔簡單~ 之後到附近bazaar行, 大部份都是賣金飾的, 也有少量賣波斯檯布, 完全被Shiraz那個bazaar比下去~ 中午到酒店附近, 又是Lonely Planet介紹的Nemoner Sandwich食burger~ Lonely Planet推介呢間小店嘅駱駝肉burger, 但店主不諳英文, 最後都唔知塊漢堡扒係乜野肉, 但都幾juicy, 唔錯, 而且好抵食, 連飲品每人只是40,000 Rials, 抵到爛~ 飯後在旅館附近逛, 發現很多商舖都關門, 原來伊朗商舖習慣中午休息至5:00pm後才重開, 認真悠閒~ 途中遇到一位不諳英語的阿叔, 利用他懂得僅有的英文單字嘗試邀請我地去佢屋企坐, 真係三唔識七都會請你去屋企, 但絕對感受到佢嘅善意~ 下午到了舊城區閒逛, 到處都是黃泥色的小屋, 在窄巷中穿插遊盪, 幾很特色, 如果冇導遊帶路真係好容易迷路~ 友人更學「走過烽火大地」主持在伊朗找了間理髮店剪頭髮~
