話說呢排疫情搞到去唔到日本旅行～ 但係思鄉症發作嘅嘟嘟妹真係好想食拉面！！ 聽人講九龍灣德寶商場入面有間好有日本風味， 以BAR枱為主望住個師傅煮嘅親民價拉面～ 個日就係『一生懸麵 』！ 提提大家✦✦ 「如果想去呢間鋪頭到食野一定要早少少去，因為疫情期間每張枱都要相距1.5米～其實大家都知香港鋪位有幾貴～所以本身呢間小鋪頭都係得2張4人枱同4張單人枱⁈而家重要有社交距離～所以唔早少少去/買外賣，真係會等到頸都長埋！」 不過呢間拉面店即叫即整～價錢又親民，真係香港打工仔嘅福址～ ❀ 日式炸餃子❀ $28 嘟嘟妹食評：ʕ•ᴥ•ʔ 呢款餃子一碟有5隻～入面係豬肉白菜～即叫即炸，一咬開脆卜卜嘅餃子皮，餃子入面嘅豬肉同埋菜嘅湯汁就爆出黎！！ ✤魚介濃湯沾面✤ $78 嘟嘟妹食評：ʕ•ᴥ•ʔ 呢款沾面真係好推介！先講舊肉肉～呢間拉面嘅肉真係燒得好香同埋完全唔老！ 滑嘟嘟好似嘟嘟妹嘅塊咁～同埋嘟嘟妹係半熟蛋嘅忠實FANS，所以有得食真係幸福死～ 沾面嘅湯底都以魚介為基底～所以飲落除左好重魚介同豬骨味之外，最重要係呢個湯底係濃到可以包住每一條拉麵～雖然係少少咸～但係真係香到食一啖又一啖♥ ♕海鹽柚子檸檬沾面♕ $88 嘟嘟妹食評：ʕ•ᴥ•ʔ 呢款沾面嘅菜量好明顯比上一碗多好多～所以我建議女仔可以叫呢款嘅拉面～ 露荀真係要讚下佢～因為真係好嫩！完全無渣～ 至於呢個沾面湯底就有好多嘅柚子味～大家都知平時食拉面因為個湯底係用豬骨去煲～所以有時真係好快飽(°ヮ°)但係湯底加左柚子味之外真係個飽足感無咁重～重非常開胃～所以真係好推薦大家點呢款拉面！ 提提大家～其實每一款嘅沾面湯底您都可以簡冷熱度～任君選擇的喔(◕◡◉) ✡店鋪：一生懸麵 ✡地址：旺角和九龍灣皆有分店**
