*想知最新嘅旅遊資訊就記得follow嘟嘟妹instagram :dodomei_travel** 呢排疫情咁嚴重，加上台灣又封關～ 去唔到台灣又想掛住台灣菜咁點算好？ 不如就係香港搵間cp值高專賣台灣菜嘅餐廳食下過下口癮～ 呢間台灣菜係嘟嘟妹私藏嘅鋪頭 大家都知香港食台灣菜都唔算好平，但嘟嘟妹終於搵到間又有台灣價又有台灣味嘅鋪頭～ 嘟嘟妹食評* 『鹽酥雞』：$35 ；呢間嘅鹽酥雞嘅皮完全唔厚粉，最緊要係一咬落去就有濃濃雞汁～ 『紅燒牛肉麵』：$46 ；如果你係餓底一定要食粉面做正餐，咁牛肉面就岩哂你～大大碗之外牛肉又軟林林，湯頭除左有牛油香重有唔少蔬菜，完全唔太油！ 『肉燥飯』：$30 ；至於個肉燥飯~簡直係台灣菜嘅精華，一口肥肉一口白飯，您話咁樣點減肥先～！ 『大大份滿到瀉肉鬆芝士蛋餅』：$32 嘟嘟妹食評：呢間芝士蛋餅真係即叫即做**餅皮完全唔乾，軟綿綿嘅口感嘟嘟妹呢種懶人就最中意^_^加上香濃嘅芝士味同埋惹味肉鬆，簡直一絕！ 呢間鋪頭都有做外賣自取*所以大家都可以去買番屋企/公司食~ 店鋪：九份飽 地址：北角蜆殼街4號宇宙商業大廈地下1-3號鋪 營業時間：1100-2130
