今次嘟嘟妹去左玩南九洲~所以買左南九洲JR PASS玩埋出名浸砂溫泉嘅指宿到玩♥~ (詳細關於JR PASS嘅最抵及最平嘅買法係嘟嘟妹第一篇講燒海鮮嘅遊記入面~所以可以入番去睇~順便記得要Follow 嘟嘟妹Instagram: dodomei_Travel,咁就唔會Miss最新最詳盡嘅旅遊資訊啦✰) 話說個日嘟嘟妹係指宿JR駅買左價值1100YEN巴士一日卷遊指宿,大家記得去指宿嘅時候一定要一定要mark低哂巴士嘅班次~咁就可以一日內玩哂指宿嘅所有景點! 詳細嘅資料可以上番官網查詢➟ ➠: 傳送門**: https://www.kagoshima-kankou.com/tw/highlights/nottarioritari/bus/ 咁今次嘟嘟妹就簡左係指宿一個地方名為『 唐船峽』落車就個到最出名嘅流水面~ 聽人講唐船峽嘅水質真係好靚~所以去試下啦! 今次嘟嘟妹係去左中間個間,店名叫 《唐船峡そうめん流し 》~ 一入到去要落少少樓梯先會到餐廳~同埋自助點餐~ 所以如果你搵完位➡記得個桌子號➡之後出去買番張餐卷➡再交比服務員就得~ 同埋個日係有分室外同室內(有暖氣提供),大家都可以按當日你去到嘅天氣再簡究竟坐邊到~ 呢間鋪頭有好多唔同嘅set,大概1380yen至1800yen不等,同埋份量好大嫁!所以如果你係兩個女仔去又細食嘅話~一個set兩份share就可以了~咁究竟有咩食!?即刻去圖啦! 食評: 其實每個set都基本會包一大盆流水面線、一碗味噌湯、3大舊飯團或腐皮壽司同一條燒鯛魚(南九洲名物),所以真係勁大份!味道都好唔錯~ *飯團係日式咸味飯團,而腐皮壽司真係又甜又香腐皮味~又唔會勁油 *如果你係燒魚發燒友,呢條燒魚就岩哂你~又唔乾又唔腥,但如果佢熱少少就更加好ღ 如果你地想食鯛魚刺身,就要比多少少錢了~但佢個刺身真係好厚同埋勁新鮮,一擺入口就勁有咬口~至於個流水面嘟嘟妹真係個人勁勁推薦!又好玩又新奇之外,因為唐船峽D水質好好,水沾上流水面線之後,成條面都會有冰涼冰涼嘅感覺~再配上店家提供嘅沾面醬油、蔥花、薑同wasabi~真係一試難忘! 如果大家去指宿,就唔好錯過! ♡ 店鋪:唐船峡そうめん流し 地址:5967 Kaimonjutcho, Ibusuki, Kagoshima 891-0603日本 營業時間:1000-1500 (記得唔好太晏去~) 官網網頁:https://www.ibusuki.or.jp/eat/somen/ibusukicity/