話說大家都知去到日本唔食和牛＝無去過日本～ 但嘟嘟妹嘅荷包完全食唔起好貴嘅和牛 逐碟嗌次次都因為驚貴所以就住食 但嘟嘟妹就搵左間 平價性勁高！同埋唔會太迫太多人 專食和牛嘅店鋪 『 焼肉レッドロック』！ 呢間鋪頭嘅位置係近山形屋，但係係位置比較難搵少少！（大家都知好食又抵食嘅鋪頭都成日開係比較隱蔽嘅位置，但為左食！就算個位置有 幾偏，都唔會阻礙到我地搵好野食嘅決心。 呢間鋪頭專門食和牛同黑毛豬豬，要注意90分鐘燒肉放題係一個價錢：3980円～！ 而飲品放題就係1000 円，總共係4980円！姐係港幣約$350蚊！抵到爛 野食嘅種類高達160種，當中包括：海鮮、牛的唔同部位、雞、豬嘅所有部位、飯、簡單蔬果及海鮮，重包埋沙律吧～同埋可以任食極上火灸和牛壽司OMG！ **提示：如果大家好似嘟嘟妹咁唔識睇日文menu，就可以問staff拎英文餐牌，但佢個英文餐單有D錯錯地，盡量想食咩都用圖/形容比佢聽，如果間鋪頭有供應佢就會比您嫁啦！ 今鋪重唔食爆佢！但嘟嘟妹都係眼闊口窄，所以一定要有落單嘅黃金前後次序啦 第一名：和牛炙り寿司(1人2貫)✔✔✔✔✔✔✔✔✔✔✔✔✔✔✔✔✔✔✔✔✔ 食評：呢個一定要叫！同埋盡快叫！因為佢好快就無哂貨～加上廁師係即叫即燒，所以一擺入口舊壽司重係暖，條唎會比好香嘅牛油包裹住，壽司上嘅和牛嘅油脂亦都隨即溶化，浸哂入去舊飯到，跟住你就會升仙了～ 第二名：和牛（你記得比呢張相佢睇，咁佢就明白^^）✔✔✔✔✔✔✔ 食評：如果你中意入口即融系列嘅和牛，一定唔好錯過，嘟嘟妹覺得係成間店入面最好食嘅和牛，同埋呢間鋪完全唔會因為成本高而只係比少少，反而你寫幾多片佢就比幾多片！真係良心店黎～ 以上呢兩樣係一定一定一定要叫嘅和牛，但如果你係食肉獸/想初嘗黑毛豬豬嘅話，以下呢款就一定要叫：豚焼き(すき・ポン) 食評：睇到圖都知呢塊豚肉有幾新鮮，我諗係一田/AEON賣都要60蚊一PACT，同埋呢塊豚肉真係好長好大塊！又無豬騷味同豬臭味，加上係日本產，咁就唔怕有非洲豬瘟啦～ 其他嘟嘟妹有叫嘅單品都有好高嘅質素，即刻去圖啦～ 海鮮盛：帶子及魷魚（非常新鮮，你都可以只係要魷魚/帶子）✔ 和牛薯餅：即叫即炸，但份量太多會太飽～ 冷豆腐：高度推介，豆腐味勁濃同埋消滯✔ 牛舌同埋其他肉都可以叫～又彈牙又嫩，係食肉獸天堂 飲品放題就包括：各類嘅酒、燒酎、梅酒、乳酸酒、果汁及各類茶～同一般嘅居酒屋嘅飲品選擇差唔多～ 店鋪：焼肉レッドロック 地址：〒892-0822 鹿児島県鹿児島市泉町3-3 よかど鹿児島1F 店鋪網址：https://r.gnavi.co.jp/b28782en0000/
