上年暑假嘟嘟妹因為要去芬蘭讀一個短期嘅課程，所以就順個便去左以前寫係bucketlist入面話一直都想去嘅國家- ✼冰島✼ 今次去嘟嘟妹係因為要去芬蘭讀書，所以係直接係香港搭 芬蘭航空 FINNAIR（需時10小時40分 ）至赫爾辛基，再係赫爾辛基機場轉機至哥門哈根機場，之後再轉機去到雷克雅維克機場！頭都暈～～ 題外話：「唔知大家知唔知moomin係芬蘭係勁出名，所以機場都有唔少鋪頭賣Moomin嘅野同埋有Moomin cafe！嘟嘟妹因為係小美嘅fans所以都有去，而關於Moomin嘅blog之後再補番比大家✿」 話說唔知係咪北歐嘅機場都好大好多野行，定係嘟嘟妹井底蛙，嘟嘟妹覺得哥本哈根機場都好大，可以值得去逛逛，***但要記得如果你係等轉機但行行下想買野嘅話記得拎住張信用卡～因為哥本哈根係有自己國家嘅貨幣，所以歐元都唔收嫁。 嘟嘟妹轉SAS機至雷克雅維克機場（需時3小時45分）～ 所以如果嘟嘟妹由香港至冰島，足足轉左2次機！！！！ 提提大家要記得香港同北歐係有嚴重嘅時差嫁ʕ•ᴥ•ʔ 香港VS芬蘭：6小時 香港VS冰島：8小時 機票格價網傳送門：https://www.skyscanner.com.hk/?ksh_id=_k_EAIaIQobChMIoNbuq9b-5wIVmraWCh2RgQZWEAAYASAAEgJ3OfD_BwE_k_&associateID=SEM_GGT_00065_00015&utm_source=google&utm_medium=cpc&utm_campaign=HK-Travel-Search-Brand-Skyscanner%20Only-Exact&utm_term=skyscanner&kpid=google_418326062_19313873582_374798635842_kwd-400074527_c_&gclid=EAIaIQobChMIoNbuq9b-5wIVmraWCh2RgQZWEAAYASAAEgJ3OfD_BwE 1.Skyscanner：今次嘟嘟妹芬蘭來回嘅機票就係skyscanner買，當時嘟嘟妹因為4月尾買7月嘅機票，所以來回加埋大概會係HKD $4600，當中包搭25KG托運行李同埋7KG 手提行李～ 不過嘟嘟妹真係大力推薦Finnair航空♥♥♥ 因為座位空間真係比較大，加上可以係網上登機自行挑選座位！多數嘟嘟妹都會住機尾小小同埋走廊位，方便出入同去洗手間。 早前香港有動蕩，令航班不能升降香港國際機場，當時有位朋友咁岩要番香港，但航班延遲至第二日嘅早上，當時finnair嘅員工立即安排免費食宿和交通比我個朋友♥ 因為是一班長途嘅航空，所以會包早餐同埋晚餐，亦會有小食同飲品提供，機上亦可觀看電影同埋玩遊戲，如果有需要，亦可加錢加購wifi，咁就坐咁奈機都唔怕悶啦！ 2.Google Google最大嘅好處係可以好快睇到平機票嘅日期同埋時間，岩哂懶鬼用! 其實有坐過長途機嘅朋友都知，次次坐完都會變人乾，落機個刻除左想衝出去柯尿之外就係去飲水～話說個日嘟嘟妹一去到芬蘭，即刻衝去便利店想買支水，見到成2歐/3歐真係唔捨得買，結果厚住面皮問下餐廳嘅員工可唔可以幫我個水樽加少少水，點知佢指住個廁所Logo？！ 當場嘟嘟妹真係黑人問號～ 但發現原來北歐嘅水龍頭水係可以直接飲用嫁！！當時冰島個導遊重要話覺得去買水嘅人真係好愚蠢（（當時成日買樽裝水嘅嘟嘟妹聽完好似中哂箭咁 北歐嘅水係又冰涼又甜～唔怪得佢地國家嘅蔬果都咁好食啦！！ 所以如果大家去北歐～記得唔好再買水同煲水～帶住個水樽直接使用水龍頭水就可以了！ 同埋如果大家想知嘟嘟妹係冰島嘅資訊！一定要記得要加入嘟嘟妹粉絲ღ咁我出blog嘅時候就會提醒你地啦♡ 下個blog見~
