最近終於註冊好自己的香港公司，準備正式開始搞業務了，結果第一件卡住的事就出現——開公司銀行戶口。原以為就「帶齊文件去銀行填下表、等幾日就有戶口」，結果一查資料，才發現原來現在開戶已經唔係咁簡單……所以，整理一下我親身經歷 + 做足功課後的開戶攻略，分享俾大家，希望你哋可以少走彎路！為什麼公司開戶會咁複雜？近年銀行對公司開戶審查得超仔細，特別係你公司係做貿易或者有海外股東背景，更要準備充足資料。唔好諗住「我自己人公司、無咩營業額應該好易搞」——只要資料唔齊，分分鐘唔畀你開。公司開戶要準備咩文件？大部分銀行會問你拎以下資料，建議開戶前先準備晒：✔ 公司註冊證明（CI） ✔ 商業登記證（BR） ✔ 公司章程（Articles of Association） ✔ 公司註冊表（NNC1／NAR1） ✔ 董事／股東身份證件＋社保紀錄 ✔ 近半年個人銀行流水 ✔ 公司營運相關的合約或合作文件 ✔ 如果公司有內地背景，仲要提供對應的營業執照、母公司流水等📝小貼士：每間銀行細節唔一樣，記得先問清楚你想開戶嗰間銀行嘅文件清單！開戶流程係點？我當時試過傳統銀行，大約係以下流程：預審：先填表、交初步資料俾銀行面見預約：安排時間面見，最好董事／股東本人去簽文件：當日或線上完成開戶文件簽署等審批：我大概等咗3個星期就批咗啟用帳戶：開通後有滴會寄埋保安工具俾你而家有啲虛擬銀行（例如XT），據講最快3、4日就搞掂，而且全程網上搞，非常適合趕時間開戶嘅朋友。一個建議：資料準備要全面！講真，開公司戶口唔難，但你唔可以掉以輕心。文件越齊、業務背景講得越清楚，就越易開戶成功。當初我漏咗一份業務合約，結果補交又拖慢成個流程。如果你唔想煩，亦可以考慮搵公司秘書或開戶顧問幫手，尤其係第一次開戶嘅人，真係會安心好多。總結就係：公司戶口唔係你想開就即開，係要通關！準備資料做足、了解流程、選對銀行，開戶自然事半功倍！
