闖蕩世界小特輯(2)-聖瑪利諾 Stories around the world(2)-San Marino 上集講到我(應該係)第一次去嘅泰國，今次就講個特別d，響香港都唔算太出名嘅小國San Marino. (喂！Ublog連tag都冇?!) San Marino係一個響意大利入面嘅國中國，冇自己機場，所以基本上一定係經意大利入境，除非跳傘lol，亦都同其他歐盟邊境一樣係冇passport control。 San Marino係一個非常古老嘅國家，而家係俾意大利360度包圍。一個世界第五細嘅國家意大利要滅佢理論上不廢吹灰之力，但故事講到當年San Marino人救咗意大利唔知邊個先有今日嘅意大利，所以簽咗君子之約保San Marino主權。 上網睇好多人都話覺得冇乜特別，去嘅主要都係想去多一個國家打咭咁，所以本身期望都唔係好大，但去到都覺得值得一去嘅。 首先，風景好靚(天氣好)。遊客去嘅主要都係山頂嘅首都區，望出去有一大片歐陸小屋，再遠d係超藍海天一線，what more you can ask for? 再者，一個古老石建小山城再加崖邊的城堡塔，小鎮愛好者應該會like. 鍾意行山嘅仲可以挑戰行上去。 至於人唔係少但又未至於迫嘅，主要係意大利人或者歐洲人，商業化就有d喇，佢唔靠呢d真係唔知可以靠乜。但值得一提嘅係佢物價因為稅唔關係竟然低過意大利，可以食得開心買得爽。仲有可以寄postcard! ------------ 呢個小特輯，係每個我去過嘅國家post兩張相，分享吓響呢個國家(/terriory issuing its own passport)嘅回憶同旅行故事，咁大家又可以知我去過邊可以PM問 追夢‧闖蕩‧看世界 https://www.facebook.com/DreamsAroundWorld https://blog.ulifestyle.com.hk/blogger/dreamsaroundworld/ IG: #dreamsaroundworld
