#7/11/2014 #Dongdaemun, Seoul M: Line 1, 4 東大門 上幾回講到東大門附近有條街好多野食 (Exit 9 跟紅色箭嘴)。嗰度好出名既陳玉華一隻雞, 簡直係神級之作! 由於一個人根本冇可能食到 (除非你接受到食剩半煲咁冇衣食), 本來以為今次無緣㗎喇, 點知遇到荷蘭妹同房轉機stay幾晚問我邊度有野食, 即刻拉佢去hostel附近既陳玉華一隻雞陪我挑挑佢!!! 勁興奮!!! 陳玉華一隻雞其實望落好普通, 一隻攝咗塊薯仔既雞浸住d清湯。基本上pre set咗一隻雞(￦20000)加一份年糕(￦1000)唔使嗌, 呢個份量我地2個唔細食既女仔都好夠, 如果唔夠仲可以加其他配菜。滾到差唔多會有呀豬媽黎幫你剪開隻雞再落蒜茸同年糕滾, 差唔多就食得喇。可以點鼓油加醋。不得了! d雞超級滑超好味!!!!! 年糕索咗d湯都好正。 本人詞窮形容唔到, 總之係成個韓國之旅食過最好味既野!! 食雞係包埋泡菜無限供應, 本地人會加大量泡菜同辣椒醬落去食泡菜鍋。 不過我都係唔鍾意落, 食原汁原味既鮮味最好。 荷蘭妹同房都食得超開心仲覺得好掋食。 佢話琴晚join咗幾個westerners去d遊客區裝修好靚既韓國餐廳食, 又貴又難食。 好明顯係俾人呃鬼佬喇, 深表遺憾。唯有教埋佢聽日去廣藏市場, 唔好再食d貴夾唔掋既野喇。 呢間野真係好多人, 要盡量避開繁忙時間去。 點擊圖片放大 +3 首爾非一般食玩試推介 https://blog.ulifestyle.com.hk/blogger/dreamsaroundworld/2015/01/%E9%A6%96%E7%88%BE%E9%9D%9E%E4%B8%80%E8%88%AC%E9%A3%9F%E7%8E%A9%E8%A9%A6%E6%8E%A8%E4%BB%8B/ 追夢‧闖蕩‧看世界 https://www.facebook.com/DreamsAroundWorld https://blog.ulifestyle.com.hk/blogger/dreamsaroundworld/
