#4/11/2014 #Jongno, Seoul M: Line1鐘路5街exit8 醬蟹好味好多人聽過, 醬蟹好貴都應該好唔少人聽過。 一隻蟹要3百至5百蚊港紙真係食咗我隻車, 本身都諗住緣慳一面, 點知俾我響廣藏市場既kimchi舖(叫洪林)發現醬蟹, 仲只不過係￦10000, 即係七十幾蚊港紙一隻, 仲會同你包好, 拎上機做手信都仲得。 醬蟹其實用特別既醬油醃浸, 係生既好似刺身咁, 通常都超多糕, 撈飯超好味。 我嗰時去咗飯卷舖買白飯返hostel送飯。 當然你唔想好似我咁可以去餐廳食, 但就梗係唔係呢個價。 點擊圖片放大 +2 成個廣藏市場大概近地鐵嗰邊就係食野, 遠嗰邊係日常用品, 賣醬蟹既kimchi舖就響交界。 食野嗰邊同類食物既舖通常響埋一齊, 經典美食應有盡有, 亦都算乾淨同明碼實價。 點擊圖片放大 +3 韓式生魚片(魚生) (近到遠:) 米腸, 魚蛋, 豬腳, 年糕 排好長龍既石磨綠豆餅 同場加映韓式禮盒...ummm.... 首爾非一般食玩試推介 https://blog.ulifestyle.com.hk/blogger/dreamsaroundworld/2015/01/%E9%A6%96%E7%88%BE%E9%9D%9E%E4%B8%80%E8%88%AC%E9%A3%9F%E7%8E%A9%E8%A9%A6%E6%8E%A8%E4%BB%8B/ 追夢‧闖蕩‧看世界 https://www.facebook.com/DreamsAroundWorld https://blog.ulifestyle.com.hk/blogger/dreamsaroundworld/
